بھارت کیخلاف جنگ میں کامیابی کے بعد دنیا بھر میں پاکستان کی عزت بڑھی ہے‘ ایاز صادق

جو پاکستان پر حملہ کرے گا منہ روڈ جواب ملے گا‘ اسپیکر قومی اسمبلی کا یونین کونسل 178 میں عوامی اجتماع سے خطاب

اتوار 13 جولائی 2025 19:40

لاہور(اُردو پوائنٹ اخبارتازہ ترین - این این آئی۔ 13 جولائی2025ء) اسپیکر قومی اسمبلی سردار ایاز صادق نے کہا ہے کہ بھارت کے خلاف جنگ میں کامیابی کے بعد دنیا بھر میں پاکستان کی عزت بڑھی ہے ،جو پاکستان پر حملہ کرے گا منہ روڈ جواب ملے گا۔ ان خیالات کا اظہار انہوں نے مناواں میں ترقیاتی کاموں کے افتتاح کے بعد مناواں روڈ یونین کونسل 178 میں عوامی اجتماع سے خطاب کرتے ہوئے کیا ۔

اس موقع پر صوبائی وزیر سوشل ویلفیئر و بیت المال سہیل شوکت بٹ اور دیگر بھی موجود تھے۔ اسپیکر قومی اسمبلی سردار ایاز صادق نے کہا کہ لوگوں کی مسلم لیگ (ن) کی حکومت سے بہت زیادہ امیدیں زیادہ ہیں ،قائد نوزشریف کی ہدایت پر عوام کے مسائل کے حل کیلئے کوئی کسر اٹھا نہیں رکھی جارہی ۔ انہوں نے کہا کہ واہگہ بارڈر سے آنے والی سڑکیں خراب ہو جاتی تھیں،اب ڈبل سڑک، فٹ پاتھ اور سروس لین بنائی گئی ہیں،اس علاقے میں 19ارب روپے سے سیوریج سسٹم، واٹر سپلائی اور مین روڈ بنائی جارہی ہے،اگر کوئی گلی رہ گئی اسے بھی بنا کر کام ختم کریں گے ،ضلعی انتظامیہ بھی عوام کی بھرپور خدمت کررہی ہے ، مناواں میںسیوریج کے کام کے بعد اگلے سو سال کا آرام ہوگا ۔

(جاری ہے)