S وفاقی وزیر عبدالعلیم خان کا دورہ خانیوال

ں* بلوچستان میں دہشتگردی کے واقعے میں شہید ہونے والے غلام سعید کے اہلخانہ سے تعزیت -دہشتگردی سے نہ صرف پنجاب بلکہ پورا پاکستان متاثر ہے، دہشتگردی کے خلاف جنگ میں شہید ہونے والوں کے ساتھ ہیں اور تمام شہدا کے لیے دعاگو ہیں،عبدالعلیم خان

اتوار 13 جولائی 2025 20:05

۵ خانیوال(اُردو پوائنٹ اخبارتازہ ترین - آن لائن۔ 13 جولائی2025ء)صدر استحکام پاکستان پارٹی اور وفاقی وزیر عبدالعلیم خان نے خانیوال کا دورہ کیا جہاں انہوں نے بلوچستان میں دہشتگردی کے واقعے میں شہید ہونے والے غلام سعید کے اہلخانہ سے تعزیت کی۔وفاقی وزیر کے ہمراہ صدر آئی پی پی پنجاب رانا نذیر احمد اور جنرل سیکرٹری و رکن پنجاب اسمبلی شعیب صدیقی بھی موجود تھے۔

عبدالعلیم خان نے شہید غلام سعید کے ایصالِ ثواب کے لیے فاتحہ خوانی کی اور ان کے اہلخانہ سے ملاقات کی۔انہوں نے بتایا کہ شہید کے چھ بچے ہیں اور ان کے والد بھی بیٹے کی شہادت کے صدمے سے وفات پا چکے ہیں۔وفاقی وزیر نے کہا کہ شہید غلام سعید نے بلوچستان میں دہشتگردی کا خمیازہ بھگتا اور ان کے پاس وہاں کوئی جائیداد نہیں تھی۔

(جاری ہے)

عبدالعلیم خان نے بلوچستان میں ہونے والے دہشتگردی کے واقعے پر گہرے دکھ کا اظہار کرتے ہوئے کہا کہ بھارت پاکستان میں دہشتگردی کروا رہا ہے، جس کا مقصد نفرت پھیلانا ہے۔

انہوں نے کہا کہ دہشتگردی سے نہ صرف پنجاب بلکہ پورا پاکستان متاثر ہے۔ان کا کہنا تھا کہ بلوچستان اور سندھ کی طرح پنجاب میں بھی غریب لوگ رہتے ہیں اور لاہور کے کئی علاقوں میں دوسرے صوبوں کے لوگ زیادہ ہیں۔وفاقی وزیر نے زور دیا کہ دہشتگردی کے خلاف جنگ میں شہید ہونے والوں کے ساتھ ہیں اور تمام شہدا کے لیے دعاگو ہیں۔انہوں نے کہا کہ پاک فوج کے ہاتھ مضبوط کریں گے اور سپہ سالار کے ساتھ مل کر دہشتگردی کا ناسور ختم کیا جائے گا۔عبدالعلیم خان نے کہا کہ جس طرح بھارت کو جنگ میں شکست دی اسی طرح دہشتگردی کے خلاف بھی اسے شکست دیں گے۔انہوں نے مزید کہا کہ بھارت کی دہشتگردی کا مقابلہ کرنے کے لیے سب کو متحد ہونا ہوگا۔

Facebook Twitter Google + Share on Whatsapp

S وفاقی وزیر عبدالعلیم خان کا دورہ خانیوال

متعلقہ عنوان :

مزید قومی خبریں