اگست 2019 کا دن تاریخ کا سیاہ ترین دن ہے،سینیٹر وقار مہدی

منگل 5 اگست 2025 21:45

کراچی (اُردو پوائنٹ اخبارتازہ ترین - این این آئی۔ 05 اگست2025ء)پاکستان پیپلز پارٹی سندھ کے جنرل سیکریٹری سینیٹر وقار مہدی نے یومِ استحصالِ کشمیر کے موقع پر اپنے پیغام میں کہا ہے کہ 5 اگست 2019 کا دن تاریخ کا سیاہ ترین دن ہے، جب بھارت نے غیر آئینی اور غاصبانہ اقدام کے ذریعے مقبوضہ جموں و کشمیر کی خصوصی حیثیت کا خاتمہ کیا۔انہوں نے کہا کہ مودی حکومت کے اس اقدام نے نہ صرف اقوامِ متحدہ کی قراردادوں کی کھلی خلاف ورزی کی بلکہ کشمیری عوام کے بنیادی انسانی و جمہوری حقوق کو بھی پامال کیا۔

بھارت کی جانب سے مقبوضہ وادی میں آبادیاتی تبدیلی، من مانی حلقہ بندیاں، غیر کشمیریوں کو ووٹر لسٹ میں شامل کرنا اور باہر کے افراد کو ڈومیسائل دینا، ایک گہنونی سازش کے تحت کشمیری شناخت مٹانے کی کوشش ہے۔

(جاری ہے)

سینیٹر وقار مہدی نے کہا کہ پاکستان پیپلز پارٹی کشمیری عوام کی جدوجہد آزادی کی بھرپور حمایت کرتی ہے۔ قائدِ عوام شہید ذوالفقار علی بھٹو نے کشمیر کے لیے ہزار سال تک لڑنے کا عزم کیا تھا، شہید محترمہ بینظیر بھٹو نے ہر عالمی فورم پر کشمیریوں کی آواز بن کر ان کا مقدمہ لڑا، اور صدر آصف علی زرداری نے اقوامِ متحدہ سمیت بین الاقوامی سطح پر مسئلہ کشمیر کو اجاگر کرنے کے لیے مثر قائدانہ کردار ادا کر رہے ہیں۔

چیئرمین بلاول بھٹو زرداری نے بھی وزیر خارجہ کی حیثیت سے مسئلہ کشمیر پر عالمی ضمیر کو جھنجھوڑا۔ انہوں نے کہا کہ آج کا دن ہمیں اس عہد کی تجدید کا پیغام دیتا ہے کہ ہم کشمیری عوام کے ساتھ ہیں اور ان کی منصفانہ جدوجہد کو ہر سطح پر سپورٹ کرتے رہیں گے۔ بھارت چاہے جتنے مظالم ڈھا لے، کشمیری عوام کا جذبہ آزادی کبھی ماند نہیں پڑے گا۔ سینیٹر وقار مہدی نے عالمی برادری سے مطالبہ کیا کہ وہ مقبوضہ جموں و کشمیر میں انسانی حقوق کی خلاف ورزیوں کا نوٹس لے، اور اقوامِ متحدہ کی قراردادوں کے مطابق کشمیریوں کو ان کا حقِ خودارادیت دلانے میں اپنا کردار ادا کرے۔

Facebook Twitter Google + Share on Whatsapp

اگست 2019 کا دن تاریخ کا سیاہ ترین دن ہے،سینیٹر وقار مہدی

متعلقہ عنوان :

مزید اہم خبریں