جس طرح ہماری فورسز نے بھارت کو دھول چٹائی اس کی مثال نہیں ملتی، ہماری فوج نے بھارت کو عبرتناک شکست دی شرجیل میمن

بلاول بھٹو نے نریندر مودی جیسے دہشت گرد کو دنیا بھر میں ایکسپوز کیا،انہوں نے دنیا کو مودی کا اصل چہرہ دکھایا، پوری بھارتی عوام آج مودی پر تنقید کر رہی ہے،سینئروزیرسندھ کی میڈیا سے گفتگو

بدھ 13 اگست 2025 13:15

جس طرح ہماری فورسز نے بھارت کو دھول چٹائی اس کی مثال نہیں ملتی، ہماری ..

کراچی(اُردو پوائنٹ اخبارتازہ ترین - این این آئی۔ 13 اگست2025ء)سندھ کے سینئر وزیر شرجیل انعام میمن نے کہا ہے کہ جس طرح ہماری فورسز نے بھارت کو دھول چٹائی اس کی مثال نہیں ملتی، ہماری فوج نے بھارت کو عبرتناک شکست دی۔کراچی میں میڈیا سے گفتگو کرتے ہوئے انہوں نے کہا کہ بلاول بھٹو نے نریندر مودی جیسے دہشت گرد کو دنیا بھر میں ایکسپوز کیا،انہوں نے دنیا کو مودی کا اصل چہرہ دکھایا۔

پوری بھارتی عوام آج مودی پر تنقید کر رہی ہے۔انہوں نے کہاکہ پاک افواج نے جس طرح بھارت کو شکست دی اور سفارتی محاذ پر چیئرمین بلاول بھٹو زرداری نے کامیابی حاصل کی یہ ہمیشہ یاد رکھی جائے گی۔انہوں نے کہاکہ بھارت کو جو شکست ہوئی ہے، اس کے بعد وہ دوبارہ کوئی بھی اوچھی حرکت کرنے کی جرات نہیں کرے گا۔

(جاری ہے)

انہوں نے کہا کہ اختلافات ختم کر کے ہمیں ایک قوم بن کر چیلنجز کا سامنا کرنا چاہیے، وزیر اعلی سندھ نے تمام سیاسی جماعتوں کو اجلاس میں بلایا۔

صوبائی وزیر نے کہاکہ پاکستان سب سے زیادہ دہشت گردی کا شکار رہا ہے، ہماری افواج نے جانوں کے نذرانے پیش کیے، ہم صرف امن چاہتے ہیں، پاکستان ایک متحد قوم ہے ہمیں یہ پیغام دنیا کو دینا ہے۔ شرجیل میمن نے کہاکہ آپ سب کے علم میں ہے کہ پورے پاکستان میں یکم اگست سے 14 اگست تک جشن منایا جا رہا ہے، پوری قوم آزادی کا جشن منا رہی ہے، حکومت سندھ خصوصی طور پر جشنِ آزادی منا رہی ہے۔انہوں نے کہاکہ پورے صوبے کے ہر شہر اور ہر گائوں میں حکومت سندھ کے تمام اداروں کے تحت تقریبات منعقد کی گئی ہیں، اس بار جشن آزادی کے ساتھ ساتھ معرکہ حق کا بھی جشن منایا جا رہا ہے