چیئرمین بلاول بھٹو اس ملک میں ترقی کی سب سے بڑی علامت بن چکے ہیں، جمیل ضیا

ہفتہ 23 اگست 2025 18:14

کراچی (اُردو پوائنٹ اخبارتازہ ترین - این این آئی۔ 23 اگست2025ء)پیپلزپارٹی کے رہنما وٹاون چیئرمین اورنگی ٹائون حاجی جمیل ضیا نے پاکستان پیپلز پارٹی کراچی ڈویژن کی نو منتخب عہدیدار سعید غنی صدر، رؤف احمد ناگوری جنرل سیکریٹری اور شرمیلا فاروقی کو انفارمیشن سیکریٹری منتخب ہونے پر تہہ دل سے مبارکباد پیش کرتے ہوئے کہاہے کہ پیپلزپارٹی خدمت کی سیاست پریقین رکھتی ہیامید ہے کہ نئی قیادت پارٹی کے وژن اور عوامی خدمت کے جذبے کے ساتھ اپنی ذمہ داریاں احسن انداز میں نبھائے گی۔

ان خیالات کااظہار انہوں نے ٹاون آفس سے جاری کردہ بیان میں کیا۔ ان کا کہنا تھا کہ پیپلزپارٹی نے ہمیشہ ملک و قوم کی بھلائی کیلئے سیاست کی ہے،پیپلزپارٹی واحد جماعت ہے جس کے بانی قائد شہید ذوالفقار علی بھٹو نے ملک کو پہلا متفقہ آئین دیا۔

(جاری ہے)

بلاول بھٹو زرداری اس ملک میں ترقی کی سب سے بڑی علامت بن چکے ہیں۔انہوں نے کہاکہ پیپلز پارٹی نے ہمیشہ ملک میں عوامی حقوق کی منصفانہ اور جائز تقسیم کے لیے جدوجہد کی ہے،بلاول بھٹو اور آصفہ بھٹو قوم کی امنگوں کے حقیقی ترجمانی کررہے ہیں پیپلز پارٹی نے ہمیشہ آئین، جمہوریت اور عوامی حقوق کی بات کی ہے اور آئندہ بھی کرتی رہے گی۔

انہوں نے مزیدکہاکہ پاکستان پیپلز پارٹی نے ہمیشہ عوام اور وفاق کی بات کی ہے اور اس سے بڑھ کرہمارے پاس کوئی اور بات نہیں ہوسکتی۔