محکمہ موسمیات کی ہفتہ کی رات اور31اگست کے دوران ملک کے مختلف علاقوں موسلادھار بارشوں، برساتی ندی نالوں میں تغیانی کی پیشنگوئی

اسلام آباد (اُردو پوائنٹ اخبارتازہ ترین - اے پی پی۔ 30 اگست2025ء) محکمہ موسمیات کے مطابق ہفتہ کی رات اور31اگست کے دوران موسلادھار بارشوں کے باعث ، دیر، سوات، شانگلہ، بونیر، کوہستان،مانسہرہ، ایبٹ آباد، نوشہرہ، صوابی، مری، گلیات، اسلام آباد/راولپنڈی، شمال مشرقی پنجاب ،کشمیر ، ڈیرہ غازی خان اور اس سے ملحقہ مقامی / بر ساتی ندی نالوں میں طغیانی کا خطرہ ہے ۔

خیبرپختونخوا کے پہاڑی علاقوں، مری ، گلیات اور کشمیر میں لینڈ سلائیڈنگ کے باعث ٹریفک کی آمدورفت متاثر ہوسکتی ہے۔ موسلادھار بارش کے باعث اسلام آباد/راولپنڈی، گوجرانوالہ، لاہور ،سیالکوٹ ، ناروال، پشاور ، نوشہرہ اور مردان کے نشیبی علا قے زیر آب آنے کاخدشہ ہے،موسلادھار بارش / آندھی / جھکڑ چلنے اور گرج چمک کے باعث روزمرہ کے معمولات متاثر ہونے، کمزور انفرا سٹرکچر (کچے گھر / دیواریں، بجلی کے کھمبے، بل بورڈز، گاڑیاں، سولر پینل وغیرہ) کو نقصان کا اندیشہ ہے۔

(جاری ہے)

مسافر اور سیاح حضرات سفر کے دوران زیادہ محتاط رہیں اور موسمی حالات کے مطابق اپنے سفر کا انتظام کریں ، بارشوں کے دوران کسی بھی ناخوشگوار صورتحال سے بچنے کے لیے موسم کے بارے میں آگاہی حاصل کریں۔محکمہ موسمیات کے مطابق کل اتوار کوپنجاب، کشمیر ،خطہ پوٹھوہار، اسلام آباد اورخیبر پختونخو میں تیز ہواؤں اور گرج چمک کے ساتھ بارش جبکہ کہیں کہیں تیز/موسلادھار بارش کا بھی امکان ہے۔

شام /رات میں شمال مشرقی بلوچستان ،جنوب مشرقی سندھ اور گلگت بلتستان میں بھی چند مقامات پر تیز ہواؤں اور گرج چمک کے ساتھ بارش کی توقع ہے۔گزشتہ 24 گھنٹے کا موسم پنجاب،اسلام آباد ،خیبرپختونخوا اور کشمیر میں تیز ہواؤں اور گرج چمک کے ساتھ بارش ہوئی جبکہ چند مقامات پر تیز/ موسلادھار بار ہوئی ۔ ملک کے دیگر علاقوں میں موسم گرم اور مرطوب رہا۔

سب سے زیادہ بارش پنجاب: حافظ آباد 182، منڈی بہاؤالدین 105،شیخوپورہ 98، لاہور (ایئرپورٹ 67، سٹی 60، واسا سٹیشن: نشتر ٹاؤن 147، لکشمی چوک 124، اپر مال 124، چوک ناخودہ 121، تاج پورہ ایس ڈی او آفس 120، پانی والا تالاب 116، مغلپورہ ایس ڈی او آفس 114، اقبال ٹاؤن ایس ڈی او آفس 108، گلشن راوی 102، فرخ آباد 93، سمن آباد ایس ڈی او آفس 92، ہیڈ آفس واسا گلبرگ 85، جوہر ٹاؤن ایس ڈی او آفس قرطبہ چوک 81، جیل روڈ 60)، جہلم 61، منگلا 58، گجرات 57، سیالکوٹ (سٹی 52، ایئرپورٹ 29)، بہاولنگر 43، گوجرانوالہ 37، لیہ 35، اسلام آباد (سید پور ویلج 28، بوکرا، سٹی 03، گولڑہ 01)، مری 25، فیصل آباد 23، ملتان (ایئر پورٹ 23، سٹی 17)، اوکاڑہ 21، چکوال 18، نارووال 16، ساہیوال 13، خانیوال 12، قصور 09، بھکر 06، راولپنڈی (کچری 07، گوالمنڈی 06، شمس آباد 03، نیو کٹاریاں، پیرودھائی 02)، کوٹ ادو 04، ڈی جی خان 03، ٹی ٹی سنگھ 02، سرگودھا سٹی اور نور پور تھل 01،خیبرپختونخوا: چراٹ 165، کاکول 54، پشاور (سٹی 41، ایئرپورٹ 35)، بالاکوٹ 14، مالم جبہ 10، بنوں 05، ڈی آئی خان ایئرپورٹ (05، سٹی 04)، لوئر دیر اور پاراچنار 02، کشمیر: کوٹلی 41، گڑھی دوپٹہ 37، راولاکوٹ 16، مظفر آباد (ایئرپورٹ 12، سٹی 10)، بلوچستان: بار خان میں 03ملی میٹر بارش ریکارڈ ہوئی۔

ہفتہ کو ریکارڈ کئے گئے زیادہ سےزیادہ درجہ حرارت : دالبندین اور نوکنڈی میں 43ڈگری سینٹی گریڈ ریکارڈ کیا گیا ۔