Live Updates

ملک بھر کے 99 مخصوص اضلاع میں پولیو مہم تیسرے روز بھی جاری، ملک بھر میں 37 فیصد بچوں کی ویکسینیشن مکمل

بدھ 3 ستمبر 2025 16:48

اسلام آباد (اُردو پوائنٹ اخبارتازہ ترین - اے پی پی۔ 03 ستمبر2025ء) ملک بھر کے 99 مخصوص اضلاع میں انسداد پولیو مہم تیسرے روز بھی جاری رہی۔نیشنل ایمرجنسی آپریشن سینٹر (این ای او سی)کے حکام کی جانب سے جاری تفصیلات کے مطابق انسداد پولیو مہم کے ابتدائی دو روز میں ملک بھر میں 37 فیصد بچوں کی ویکسینیشن مکمل کر لی گئی۔خیبرپختونخوا میں 41 اور بلوچستان میں 49 فیصد بچوں کی ویکسینیشن مکمل جبکہ پنجاب میں 23 اور سندھ میں 47 فیصد بچوں کو پولیو کے قطرے پلائے جا چکے ہیں۔

اسلام آباد میں 44 فیصد بچوں کی ویکسین مکمل ہو چکی ہے۔گلگت بلتستان میں 59 اور آزاد کشمیر میں 65 فیصد بچوں کو ویکسین دی جا چکی ہے۔انہوں نے کہا کہ پاکستان اور افغانستان میں پولیو مہم کا بیک وقت انعقاد کیا جا رہا ہے۔

(جاری ہے)

پولیو ویکسین زندگی بھر کی معذوری سے تحفظ فراہم کرتی ہے۔انہوں والدین سے اپیل کی کہ پولیو ورکرز سے بھرپور تعاون کریں اور پولیو مہم کے دوران اپنے پانچ سال تک کے بچوں کو پولیو کے قطرے لازمی پلوائیں۔

پولیو اور دیگر خطرناک بیماریوں سے بچائو کے لیے اپنے بچوں کی بروقت ویکسینیشن یقینی بنائیں۔پولیو ٹیم سے رابطے کے لیے 1166 پر کال کریں یا 03467776546 پر واٹس ایپ پیغام بھیجیں جبکہ پنجاب کے 9 اضلاع میں سیلاب کے پیش نظر پولیو مہم موخر کر دی گئی ہے۔انہوں نے کہا کہ جنوبی خیبرپختونخوا، باجوڑ اور دیر اپر میں پولیو مہم کا باقاعدہ آغاز 15 ستمبر سے ہوگا۔