کراچی میں بارش‘ ندی نالوں میں طغیانی، ڈیم اوور فلو ہونے سے کئی علاقے زیرآب آگئے

کراچی(اردوپوائنٹ اخبارتازہ ترین-انٹرنیشنل پریس ایجنسی۔10 ستمبر ۔2025 )کراچی میں وقفے وقفے سے ہلکی اور تیز بارشوں کے بعد ندی نالوں میں طغیانی اور ڈیم اوور فلو ہونے سے شہر کے مختلف علاقے زیرآب آنے سے پانی آبادیوں میں داخل ہوگیا، صورت حال کے باعث زمینی رابطے منقطع ہوگئے اور تعلیمی ادارے بھی بند کر دیے گئے جب کہ شہر کے بعض علاقوں میں سیلابی صورت حال کے باعث فوج اور رینجرز کو طلب کرلیا گیا، سوسائٹیوں میں مساجد سے اعلانات کیے گئے شہر قائد میں گزشتہ 2 روز کے دوران وقفے وقفے سے مسلسل بارش نے تباہی مچا دی.

مسلسل بارش کے بعد مختلف علاقوں میں سیلابی صورتحال ہے ملیر، ایم نائن، سہراب گوٹھ، خمیسو گوٹھ، لیاری ندی، ملیر ندی اور مچھر کالونی شدید متاثر ہیں پاک فوج اور رینجرز کے اہلکار متاثرہ علاقوں میں ریسکیو آپریشن میں مصروف ہیں کراچی میں موسلا دھار بارشوں کے بعد ندی نالوں میں طغیانی اور ڈیم اوور فلو ہونے سے شہر کے مختلف علاقے زیرآب آگئے ہیں ٹھڈو ڈیم اوور فلو ہونے سے سپر ہائی وے سے متصل آبادیوں میں پانی داخل ہوگیا .

بیشتر سوسائٹیاں ڈوب گئیں جبکہ مساجد سے حفاظتی اعلانات شروع کر دیے گئے ملیر ندی، تھدو ندی اور میمن گوٹھ ندی بپھر گئیں سپر ہائی وے کا ملک بھر سے زمینی رابطہ منقطع ہوگیا، گلشن حدید لنک روڈ اور نیشنل ہائی وے سے بھی سپر ہائی وے کا رابطہ ٹوٹ گیا جب کہ جمالی پل سمیت کئی مقامات پر ندی کا پانی سڑکوں پر آگیا سہراب گوٹھ حسن نعمان کالونی، سعدی ٹان، ایوب گوٹھ اور لاسی گوٹھ میں بھی پانی گھروں میں داخل ہوگیا.

نیو کراچی اور سرجانی کے مکین بھی پانی میں پھنس گئے ملیر بکرا پیڑی سے میمن گوٹھ کا زمینی رابطہ بھی ٹوٹ گیا کورنگی کراسنگ اور ای بی ایم کازوے بند جبکہ ولایت شاہ مزار سے مرتضی چورنگی جانے والی شاہراہ بھی زیرآب آگئی دوسری جانب ریسکیو ٹیموں نے بروقت کارروائی کرتے ہوئے گلشن اقبال لیاری ندی میں پھنسے 2 افراد کو بحفاظت نکال لیا جب کہ کامیاب آپریشن پر شہریوں نے ریسکیو اہلکاروں کو داد دی.

ملیر تھدو ندی میں پانی کے تیز بہا کے باعث پھنسے متعدد افراد کو بھی ریسکیو کرلیا گیا مقامی افراد کے مطابق کچھ گاڑیاں پانی میں بہہ گئی ہیں، جن میں مزید لوگوں کے پھنسنے کا خدشہ ہے جب کہ سرچ آپریشن جاری ہے ادھر لیاری ندی کی سطح بلند ہونے سے پرانی سبزی منڈی نشتر بستی بھی ڈوب گئی جہاں ریسکیو آپریشن جاری ہے ریسکیو کے مطابق کراچی کے علاقے سعدی ٹان اور اطراف کے علاقوں میں لوگوں کے پھنسے ہونے کی اطلاع موصول ہوتے ہی واٹر ریسکیو ٹیم بمعہ واٹر ریسکیو وہیکل جائے وقوعہ پر روانہ کی گئی پاک فوج کی مدد سے 11 افراد کو محفوظ مقام پر منتقل کردیا گیا ہے ریسکیو کیے گئے افراد میں 2 مرد، 3 خواتین اور 6 بچے شامل ہیں تمام افراد کو سعدی ٹان کے قریب صائمہ سوسائٹی سے ریسکیو کیا گیا .

کراچی کے علاقے گلستان جوہر کے بلاک پندرہ میں قائم رہائشی عمارت کے 2 بلاکس دھنس گئے، واقعہ صبح ساڑھے پانچ بجے پیش آیا۔

(جاری ہے)

عمارت دھنسے سے دونوں بلاکس پر دراڑیں پڑگئیں، گرانڈ فلور پر قائم فیلٹس کی کھڑکیاں اور گیلریز ٹوٹ گئیں کمپلیکس میں قائم دو بلاکس بی اور سی میں مجموعی طور پر 60 فلیٹس میں 200 سے زائد مکین رہائش پزیر تھے پولیس کی جانب سے دونوں بلاکس کو خالی کروالیا گیا ہے جبکہ ایس بی سی نے عمارت کے دونوں بلاکس کو سیل کردیا ہے.

وائس ٹاﺅن کے چیئر مین نے بتایا کے عمارت 2005 میں نالے کی جگہ پر تعمیر کی گئی ہے جس کے باعث یہ واقعہ پیش آیا ہے میئر کراچی بیرسٹر مرتضی وہاب نے رات گئے مختلف علاقوں کا دورہ کیا انہوں نے کلفٹن پمپنگ اسٹیشن، نمائش، گورو مندر اور لسبیلہ روڈ سمیت نالوں کا معائنہ کیا اور نکاسیِ آب کے انتظامات کا جائزہ لیا. میئر کراچی نے ہدایت دی کہ مزید بارش کی صورت میں اضافی پمپنگ مشینیں لگائی جائیں اور عوامی شکایات کا فوری ازالہ کیا جائے ساتھ ہی رین ریلیف کیمپس میں سہولیات بڑھانے اور شہریوں کو پانی، جوس اور بسکٹ فراہم کرنے کا بھی حکم دیااس کے علاوہ بیرسٹر مرتضی وہاب ناگن چورنگی اور دیگر متاثرہ علاقوں میں بھی موقع پر پہنچے اور انتظامیہ کو فوری اقدامات کی ہدایت دی.

ان کا کہنا تھا کہ بروقت کارروائی نہ کرنے والوں کے خلاف سخت ایکشن لیا جائے گا ضلع ملیر کے خمیسو جوکیو گوٹھ میں ریسکیو آپریشن کیا گیا، جہاں تھڈو ڈیم کے ریلے میں بہہ جانے والی شہزور سے 4 افراد کو بحفاظت نکال لیا گیاکراچی میں بارشوں کے پیش نظر تعلیمی اداروں میں چھٹی کا اعلان کردیا گیا.