سندھ میں طویل عرصے سے حکمرانی کرنیوالی پیپلز پارٹی کو دیگر صوبوں ،وفاق کی کارکردگی سے سبق سیکھنا چاہئے، شہزاد آصف

عطا اللہ تارڑ نے پڑھے لکھے نوجوان کو عزت اور روزگار دے کر قابل تحسین اقدام کیا جو ملک بھر کے نوجوانوں کیلئے حوصلہ افزا مثال ہے، رہنماء ایم کیو ایم

جمعرات 30 اپریل 2026 20:50

اسلام آباد(اُردو پوائنٹ اخبارتازہ ترین - این این آئی۔ 30 اپریل2026ء) ایم کیو ایم پاکستان ضلع اسلام آباد کے صدر شہزاد آصف جاوید نے کہا ہے کہ سندھ میں طویل عرصے سے حکمرانی کرنے والی پاکستان پیپلز پارٹی کو دیگر صوبوں اور وفاق میں ہونے والی کارکردگی سے سبق سیکھنا چاہیے۔اپنے ایک بیان میں انہوں نے کہا کہ وفاقی وزیر اطلاعات عطا اللہ تارڑ نے ایک پڑھے لکھے نوجوان کو عزت اور روزگار دے کر قابل تحسین اقدام کیا ہے، جو نہ صرف ایک فرد بلکہ ملک بھر کے نوجوانوں کیلئے حوصلہ افزا مثال ہے۔

انہوں نے کہا کہ ایسے اقدامات سے نوجوانوں میں اعتماد بحال ہوتا ہے اور انہیں معاشرے میں باوقار مقام ملتا ہے۔ شہزاد آصف جاوید نے وزیراعظم شہباز شریف سے مطالبہ کیا کہ وہ سندھ کے عوام پر بھی خصوصی توجہ دیں اور ترقیاتی اقدامات کو فروغ دیں۔

(جاری ہے)

انہوں نے کہا کہ کراچی کے عوام آج بھی مصطفی کمال کے دور کو یاد کرتے ہیں، جب شہر میں ترقیاتی کاموں کے ذریعے اسے دوبارہ روشنیوں کا شہر بنایا گیا تھا۔ایم کیو ایم رہنما کا کہنا تھا کہ سندھ میں گزشتہ کئی برسوں سے جاری مسائل کے حل کیلئے موثر حکمت عملی کی ضرورت ہے تاکہ عوام کو ریلیف فراہم کیا جا سکے۔ انہوں نے زور دیا کہ نوجوانوں کو روزگار اور عزت دینا وقت کی اہم ضرورت ہے، جس کیلئے عملی اقدامات ناگزیر ہیں۔