خواجہ آصف نے کشمیریوں کو کشمیری تسلیم نہیں کیا ،وزیراعظم خواجہ آصف سے جواب لیں، نیئر حسین بخاری

صاف شفاف انتخابات ہوئے تو آزاد کشمیر میں اکثریت حاصل کرینگے،مہاجرین نشستوں پر وفاق اور پنجاب حکومتی مداخلت نہ ہوئی تو جیالے امیدوار کامیاب ہونگے، بیان

پیر 20 جولائی 2026 21:20

اسلام آباد (اُردو پوائنٹ اخبارتازہ ترین - این این آئی۔ 20 جولائی2026ء) سیکرٹری جنرل پیپلز پارٹی نیئر حسین بخاری نے کہا ہے کہ چیئرمین پیپلز پارٹی امید پاکستان بلاول بھٹو زرداری آزاد کشمیر انتخابات میں خود شریک اورتیر بردار جیالے بھٹو اسٹ امیدواروں کی انتخابی مہم میں عوام الناس کے درمیان ہیں ،صاف شفاف انتخابات ہوئے تو آزاد کشمیر میں اکثریت حاصل کرینگے ،مہاجرین نشستوں پر وفاق اور پنجاب حکومتی مداخلت نہ ہوئی تو جیالے امیدوار کامیاب ہونگے ۔

اپنے بیان میں انہوںنے کہاکہ پیپلز پارٹی کو عوامی قوت سے اقتدار ملتا ہے ،لیگی قیادت ایسی گفتگو نہ کرے کہ پیپلز پارٹی کا جواب ان کیلئے قابل برداشت نہ رہے ۔ انہوںنے کہاکہ حکومت سوچے کہ پانچ برس حکومتی مدت پوری کرنی ہے ۔

(جاری ہے)

نیر بخاری نے کہا کہ خواجہ آصف نے کشمیریوں کو کشمیری تسلیم نہیں کیا ،وزیراعظم خواجہ آصف سے جواب لیں ۔انہوںنے کہاکہ مولانا فضل الرحمن زیرک سیاستدان ہیں ،شہیدا کے وارثان کی دل آزاری نہیں ،عزت و توقیر دینی چاہیے ۔

انہوںنے کہاکہ افواج پاکستان کے افسران اور جوان وطن کی سلامتی کے محافظین ہیں۔انہوںنے کہاکہ گزشتہ سال جب جوائنٹ ایکشن کمیٹی نے مطالبات پیش کیے تو وفاقی حکومت نے کمیٹی تشکیل دی تھی ،وزیراعظم آزاد کشمیر کے ساتھ دو وفاقی وزراء اور پیپلز پارٹی کے نمائندے بھی اس کمیٹی میں شامل تھے۔ انہوںنے کہاکہ جوائنٹ ایکشن کمیٹی نے مہاجرین کی نشستیں ختم کرنے کا مطالبہ کیا تھا ۔

نیئر بخاری نے کہا کہ انگلی کے پیچھے سورج چھپا نہیں کرتا ،رانا ثناء اللہ کے بیان سے جوائنٹ ایکشن کمیٹی کے ارکان زیادہ خفا ہوئے، اگر رانا ثناء اللہ بیان نہ دیتے تو جوائنٹ ایکشن کمیٹی اتنا احتجاج نہ کرتی،ہم نے جوائنٹ ایکشن کمیٹی کو سمجھانے کی کوشش کی کہ آئین میں ترمیم کے ذریعے مہاجرین کی نشستیں تبدیل ہوسکتی ہیں۔نیئر بخاری نے کہا کہ جوائنٹ ایکشن کمیٹی کے ساتھ مذاکرات کے ساتھ معاملات حل ہونے چاہئیں ۔ انہوںنے کہاکہ بلاول بھٹو زرداری کی تجویز پر ٹروتھ اینڈ ری کنسیلیشن کمیشن کی تشکیل سے معاملہ حل کیا جاسکتا ہے۔