نجی کمپنی نے ڈرون اور جیٹ طیاروں کو 100فیصد کامیابی کے ساتھ مار گرانے والا انتہائی کم قیمت ائیر ویپن سیمولیٹر متعارف کر ادیا ،دفاعی ادارے اس سے مستفید ہو رہے ہیں
کراچی (اُردو پوائنٹ اخبارآن لائن۔3دسمبر۔2014ء) پاکستان میں نجی کمپنی نے ڈرون اور جیٹ طیاروں کو 100فیصد کامیابی کے ساتھ مار گرانے والا انتہائی کم قیمت ائیر ویپن سیمولیٹر متعارف کر ادیا ہے ،پاکستان کے دفاعی ادارے اس سے مستفید ہو رہے ہیں جبکہ تنزانیہ ،نائیجیریا اور سوڈان نے آئیڈیاز2014ء کے دوران خصوصی دلچسپی کا اظہار بھی کیا ہے ، دفاعی سازو سامان کی عالمی نمائش آئیڈیاز2014 میں پاکستان کے نجی شعبے میں ائیر ویپن سیمولیٹر تیار کرنے والے ادارے سوفٹ انویٹوسسٹم کے انتظامی ذمہ داروں نے نمائش کے دوسرے روز بتایا کہ ائیر ویپن سیمولیٹر کے ذریعے صرف10سیکنڈ میں ہدف کو نشانہ بنایا جا سکتا ہے بیرون ممالک میں ائیر ویپن سیمولیٹر کی قیمت0.5ملین ڈالر سے1ملین ڈالر تک ہے جبکہ پاکستان میں اس آلے کی لاگت صرف0.1ملین ڈالر سے0.2ملین ڈالر ہے اور یہ ائیر ویپن سیمولیٹرعالمی معیار کے مطابق ہے ۔
(جاری ہے)
مزید متعلقہ خبریں پڑھئیے :
متعلقہ عنوان :
