اسلام آباد،وفاقی وزیر داخلہ کی ہدایات پر ضلعی انتظامیہ نے پانی پھیر دیا ،پولیس کی پشت پناہی سے حرام گوشت اور نومولود جانوروں کو ذبح کرنے کا دھندہ دھڑلے سے جاری
اسلام آباد(اُردو پوائنٹ اخبارآن لائن۔12اکتوبر۔2015ء) وفاقی وزیر داخلہ کی ہدایات پر ضلعی انتظامیہ نے پانی پھیر دیا ، اسلام آباد کے علاقہ کھنہ ڈاک میں مقامی تھانہ کی پشت پناہی سے حرام گوشت اور نومولود جانوروں کو ذبح کرنے کا دھندہ دھڑلے سے جاری ہے ۔ تفصیل کے مطابق تھانہ کورال شہزاد ٹاؤن اور کھنہ پل کے علاقوں میں قائم بھینسوں کے باڑے سر عام نومولود جانور زندہ و مردہ قصابوں کو مبلغ پانچ سو اور ہزار روپے کا فروخت کرکے دودھ کی ریشو بڑھانے میں مصروف ہیں جبکہ دوسری جانب زیارت روڈ ، کھنہ ڈاک میں جمعرات کو بھی دو باڑوں میں مردو نومولود جانور ذبح کئے گئے اہل محلہ نے اس موقع پر شور بھی مچایا تو کسی نے نہ سنی کیونکہ علاقے کے شرفاء کا کہنا ہے کہ حرام گوشت کا کاروبار کرنے والے افراد کے پیچھے بہت بڑا مافیا ہے جو کہ کھنہ پل ، ترلائی ، ترامڑی علی پور فراش و دیگر علاقوں میں بڑے بڑے ہوٹلز مالکان ہیں اور پولیس باقاعدگی سے ان سے بھتہ لیکر خاموش رہتی ہے ۔
(جاری ہے)
مزید متعلقہ خبریں پڑھئیے :
متعلقہ عنوان :
