شاہ محمود کے بعد ان کے صاحبزادے بھی اپنے والد کے نقش قدم پر چل نکلے

زین قریشی کا موٹرسائیکل پر حلقہ کا دورہ،تصاویرسوشل میڈیا پروائرل زین قریشی این اے 148سے آئندہ انتخابات میں امیدوار بھی ہیں،ذرائع

ہفتہ 15 اپریل 2017 18:26

ملتان(اُردو پوائنٹ اخبار آن لائن۔ اتوار 16 اپریل 2017ء)شاہ محمودقریشی کے بعد ان کے صاحبزادے بھی اپنے والد کے نقش قدم پر چل نکلے ،مخدوم زین قریشی نے موٹرسائیکل پر اپنے والد کے آبائی حلقہ این ای148کا دورہ کیا اور عوام کے مسائل دریافت کئے جبکہ حلقہ میں مریضوں کی عیادت بھی کی،زین قریشی کی تصاویرسوشل میڈیا پروائرل ہوگئیں۔

(جاری ہے)

تفصیلات کے مطابق سیاستدانوں کے بعد اب ان کی اولاد نے بھی عوام میں مقبول ہونے کا ڈھنگ نکال لیا،تحریک انصاف کے مرکزی وائس چئیرمین مخدوم شاہ محمود قریشی کے بعد اب ان کے صاحبزادے زین قریشی بھی عوامی سواری پرسوار ہوکرعوام میں پہنچ گئے،زین قریشی کو موٹرسائیکل پرحلقہ کا دورہ کرتے دیکھ کرحلقہ کی عوام حیران رہ گئے ،تحریک انصاف کے ذرائع کے مطابق مخدوم زین حسین قریشی آئندہ انتخابات میں این اے 148سے رکن قومی اسمبلی کے امیدوار بھی ہیں،یاد رہے کہ چندروزقبل سوشل میڈیا پرشاہ محمودقریشی کی موٹرسائیکل پر ملتان کی کچی آبادیوں کا دورہ کرتے تصاویرنے خوب دھوم مچائی تھی تاہم اب ان کے صاحبزادے زین قریشی کی موٹرسائیکل پرحلقے کا دورہ کرتے ہوئے تصاویرکے بھی سوشل میڈیا پرکافی چرچے ہیں۔