بھارت مذہبی منافرت پھیلانے والے ممالک میں شامل

ہندوستان میں 2015 میں انتہا پسند ہندووں کی طرف سے گائے ذبح کرنے اورمسلمانوں پر حملوں کے متعدد واقعات پیش آئے ہیں، زیادہ تربھارتی حکومت کی جانب سے عائد پابندیوں کا اثر دیگر مذاہب سے منسلک افراد پر بھی پڑا، رپورٹ

ہفتہ 15 اپریل 2017 19:58

نیویارک(اُردو پوائنٹ اخبار آن لائن۔ اتوار 16 اپریل 2017ء)خود کو دنیا کی سب سے بڑی جمہوریت کہنے والا بھارت مذہبی منافرت پھیلانے والے ممالک میں چوتھے نمبر پر آگیا۔غیر ملکی میڈیا کے مطابق بین الاقوامی تحقیقاتی ادارے پیو ریسرچ سینٹر کی ایک حالیہ رپورٹ میں بتایا گیا ہے کہ مذہب کے نام پر تشدد پھیلانے والے ممالک میں شام کا پہلا جب کہ بھارت کا چوتھا نمبر ہے۔

(جاری ہے)

رپورٹ میں بتایا گیا ہے کہ بھارت میں 2015 میں انتہا پسند ہندووں کی طرف سے گائے ذبح کرنے اورمسلمانوں پر حملوں کے متعدد واقعات پیش آئے ہیں اور رپورٹ کے مطابق زیادہ تربھارتی حکومت کی جانب سے عائد پابندیوں کا اثر دیگر مذاہب سے منسلک افراد پر بھی پڑا۔پیو ریسرچ سیٹر کی جانب سے اس رپورٹ کو عورتوں پر ظلم و ستم، فرقہ وارانہ تشدد، مذہبی منافرقت اور سماج دشمنی جیسے عناصر کو بنیاد بنا کر مرتب کیا گیا ہے۔ رپورٹ کے مطابق مذہب کے نام پر تشدد پھیلانے میں شام سرفہرست، نائیجیریا دوسرے اور عراق تیسرے اور بھارت چوتھے نمبر پر ہے۔