آسام کے 40 لاکھ بنگالیوں کا ہم سے تعلق نہیں، بنگلا دیش کا ماننے سے انکار

بنگالی بولنے والے ہر شخص کا تعلق بنگلا دیش سے نہیں جوڑا جا سکتا،وزیراطلاعات کی وضاحت

بدھ 1 اگست 2018 13:20

نئی دہلی /ڈھاکہ (اُردو پوائنٹ اخبار آن لائن۔ بدھ 1 اگست 2018ء)بنگلا دیش کی حکومت نے واضح کیا ہے کہ بھارتی ریاست آسام میں غیر قانونی قرار دیئے گئے 40 لاکھ افراد کا اس کے ملک سے کوئی تعلق نہیں ہے۔دوسری جانب بھارتی ریاست مغربی بنگال کی وزیر اعلیٰ ممتا بنرجی نے اس معاملے کو بی جے پی کا سیاسی اقدام قرار دیتے ہوئے کہا ہے کہ بی جے پی لوگوں کو تقسیم کر رہی ہے ۔

(جاری ہے)

غیرملکی خبررساں ادارے کے مطابق بنگلا دیش کے وزیر اطلاعات حسن الحق کا کہنا تھا کہ بنگالی بولنے والے ہر شخص کا تعلق بنگلا دیش سے نہیں جوڑا جا سکتا اور آسام کے پناہ گزینوں کا بنگلا دیش سے تعلق جوڑنا بالکل غلط ہے۔دوسری جانب بھارتی ریاست مغربی بنگال کی وزیر اعلیٰ ممتا بنرجی نے اس معاملے کو بی جے پی کا سیاسی اقدام قرار دیتے ہوئے کہا کہ بی جے پی لوگوں کو تقسیم کر رہی ہے ۔واضح رہے کہ دو روز قبل آسام کے 40 لاکھ پناہ گزینوں کو شہریت کی فہرست سے خارج کیا گیا تھا۔