عوامی نیشنل سنٹر کویت کی جانب نئے تعینات سفیر ملک محمد فاروق کے اعزاز میں عید مِلن ڈنر کا اہتمام

محمد عرفان شفیق پیر 25 جولائی 2022 17:49

کویت(اُردو پوائنٹ اخبار تازہ ترین۔25جولائی۔2022ء) عوامی نیشنل سنٹر کویت کی جانب سے سوسائٹی آف پاکستانی ڈاکٹرز اِن کویت کی نئے کابینہ اور نئے تعینات سفیر ملک محمد فاروق کے اعزاز میں عید مِلن ڈنر کا اہتمام ڈاکٹر جہانزیب کی رہائشگاہ پختونخواہ ہاوس خیطان میں کیا گیا جس میں کمیونٹی کے تمام سیاسی، سوشل اور پیشورانہ تنظیمات کے سربراہان کے علاوہ کویت بھر کے ہسپتالوں میں خدمات سرانجام دینے والے سینئرز اور نئے تعینات ڈاکٹروں اور پیرامیڈیکل سٹاف کے نمائندوں نے شرکت کی۔

سفیر پاکستان کے علاوہ سفارتخانہ پاکستان کے تمام افسران نے بھی شرکت کی جن میں کمیونٹی ویلفیئر اتاشی فرخ امیر سیال، انچارج ڈی افیر فیصل مجید کے علاوہ پاسپورٹ سیکشن کے انچارج شامل بھی تھے۔

(جاری ہے)

معروف شخصیت حافظ محمد شبیر کے تلاوت کلام پاک سے تقریب کا آغاز ہوا اور عوامی نیشنل سنٹر کویت کے صدر ڈاکٹر جہانزیب نے مہمانوں کوخوش آمدید کہا اور نئے سفیر ملک محمد فاروق کا شکریہ ادا کیا کہ انہوں نے اپنے پہلے پبلک اجتماع میں آکر ہماری عزت افزائی کی۔

پشاور کے لئے معطل شدہ پی آئ اے کے فلائٹ کی بحالی اور ویزوں میں حائل مشکلات کا بھی تذکرہ کیا گیا۔ سوسائٹی آف پاکستانی ڈاکٹرز اِن کویت کے صدر ڈاکٹر شجاع الدین نے منتظمین کے ساتھ سفیر صاحب کا بھی شکریہ ادا کیا۔

کمیونٹی ویلفیئر اتاشی فرخ امیر نے سفیر اور منتظمین کا شکریہ ادا کیا اور اتنی خوبصورت محفل منعقد کرنے پر انکو مبارکباد دی۔

سفیر محترم نے منتظمین کے شکریے کے ساتھ کمیونٹی کے مسائل کو جلد از جلد حل کرنے، کویت اور پاکستان کے تعلقات خصوصاً تجارت بڑھانے کے لئے خصوصی کوشش کرنے اور سفارتخانہ پاکستان کو تمام پاکستانیوں کے لئے ہمہ وقت کھلا رکھنے کے عزم کا اعادہ کیا۔ سفارتخانے کی نئئ بلڈنگ بنانے کی بھی کوشش کرنے کی نوید بھی سنائی۔ تقریب میں تمام مقررین، جن میں سفارتخانہ افغانستان کے سابق چارج ڈی افیر فضل اللہ رشتین، پختونخواہ ہیلتھ کیر فورم کے کنوینر ڈاکٹر اشفاق آفریدی، نئے ڈاکٹروں کے فوکل پرسن ڈاکٹر رحمت اللہ، سوسائٹی آف پاکستانی ڈاکٹرز اِن کویت کے سابق جنرل سیکرٹری ڈاکٹر گل حسن کے علاوہ امیری ہسپتال کے ایمرجنسی ڈیپارٹمنٹ کے گروپ لیڈر فضل امین نے بھی خطاب کیا اور اس بے مثال اور یادگاری پاکستانی کمیونٹی کے عید پارٹی مِلن ڈنر پر عوامی نیشنل سنٹر کے منتظمین کا شکریہ ادا کیا۔