جیکب آباد پولیس کا جرائم پیشہ انعام یافتہ ڈاکوؤں کے خلاف کریک ڈاؤن جاری

پولیس کا مختلف علاقوں میں گرینڈ آپریشن، گھر اور کمین گاہیں مسمار و نذر آتش، 10 سے زائد مشتبہ افراد گرفتار

جمعرات 9 مئی 2024 22:45

جیکب آباد (اُردو پوائنٹ اخبارتازہ ترین - این این آئی۔ 09 مئی2024ء) جیکب آباد پولیس کا جرائم پیشہ انعام یافتہ ڈاکوؤں کے خلاف کریک ڈاؤن جاری، پولیس کا مختلف علاقوں میں گرینڈ آپریشن، گھر اور کمین گاہیں مسمار و نذر آتش، 10 سے زائد مشتبہ افراد گرفتار۔

(جاری ہے)

تفصیلات کے مطابق جیکب آباد میں پولیس کی جانب سے جرائم پیشہ و انعام یافتہ ڈاکوؤں کے خلاف شروع کیا گیا آپریشن جاری ہے، پولیس نے تحصیل گڑہی خیرو کے تھانہ دوداپور اور تھانہ پنہوں بھٹی کی حدود میں مختلف علاقوں میں ایس ایس پی سید سلیم شاہ کی نگرانی میں گرینڈ آپریشن کیا، پولیس کے مطابق گرینڈ آپریشن 10 لاکھ انعام یافتہ ڈاکو امان اللہ ڈاھانی، بہار عرف بہارو ڈاھانی اور اس کی گینگ کے دیگر ڈاکوؤں خانو ڈاھانی، اکرم ڈاھانی، سردارو ڈاھانی اور دیگر کی گرفتاری کے لیے کیا مذکورہ ڈکیت قتل، ڈکیتی، پولیس مقابلے، بھتہ خوری سمیت دیگر سنگین مقدمات میں پولیس کو مطلوب ہیں، آپریشن میں بکتر بند گاڑیوں اور جدید مشنری کے ساتھ پولیس کی بھاری نفری شامل تھی، پولیس نے آپریشن کے دوران 10 سے زائد مشتبہ افراد کو گرفتار کیا، گرینڈ آپریشن کے دوران ڈکیتوں اور ان کے سہولت کاروں کے گھروں اور کمین گاہوں کو مسمار کرکے نذر آتش کیا گیا،ایس ایس پی کا کہنا ہے کہ ضلع بھر میں جرائم پیشہ ڈکیتوں کے خلاف آپریشن جاری رہے گا۔