کرکٹر سعید اجمل نے بھی عمران خان پر تنقید شروع کردی

لاہور (اردو پوائنٹ تازہ ترین اخبار ۔ 19 اپریل 2022ء ) سابق ٹیسٹ کرکٹر سعید اجمل نے بھی عمران خان کی حکومت کو کھیلوں کیلئے منفی قرار دے دیا۔ میڈیا سے گفتگو میں 44 سالہ سعید اجمل نے کہا کہ میں نے کبھی سیاست پر بات نہیں کی لیکن گزشتہ حکومت میں کھیلوں کو فروغ نہیں دیا گیا، خواہش ہے کہ آئندہ اولمپکس میں 26 پاکستان کی ٹیمیں جائیں، وزیراعظم شہباز شریف سے مطالبہ ہے کہ کھیلوں کو فروغ دیں۔

(جاری ہے)

سعید اجمل نے کہا کہ ایسا نہیں کہہ سکتے کہ رمیز راجہ نے کچھ نہیں کیا، رمیز راجہ کی سوچ اچھا کام کرنے کی ہے اور وہ کر بھی اچھا کام رہے ہیں، اگر رمیز راجہ اچھا کام کر رہے ہیں تو انہیں کرتے رہنا چاہیے، چیئرمین پی سی بی کے عہدے پر سیاسی مداخلت نہیں کرنی چاہیے۔ انہوں نے کہا کہ پاکستان میں کھیل گھروں کے اندر چلے گئے ہیں، پاکستان کو اپنی سٹرینتھ دیکھ کر پچ بنانی چاہیے، جنوبی افریقہ میں آپ امید نہیں کرسکتے کہ سپنرز کیلئے سازگار پچز بنائی جائیں گی۔