ْروس پر نئی ممکنہ امریکی پابندیوں کے اعلان کے بعد روس کے ڈالر بانڈز کی قدر میں نمایاں کمی

ْروس پر نئی ممکنہ امریکی پابندیوں کے اعلان کے بعد روس کے ڈالر بانڈز ..
ماسکو ۔ (اُردو پوائنٹ اخبارتازہ ترین۔ 10 اگست2018ء) امریکا نے روس کے خلاف اگست کے آخر تک نئی پابندیاں عائد کرنے کا اعلان کیا ہے جس کے بعد روس کے ڈالر بانڈز کی عالمی مارکیٹ میں قدر میں 1.7 فیصد کی شرح سے 105.25 سینٹ تک کمی واقع ہوگئی ہے۔ ٹریڈ ویب کے مطابق روسی ڈالر بانڈز کی قدر میں 1.7 فیصدکی شرح سے 105.25 سینٹ کی کمی واقع ہوئی ہے۔ 22 جون کے بعد اس کی قدر میں یہ سب سے زیادہ کمی ہے۔

(جاری ہے)

یورو بانڈ میں 1.15 فیصد کی شرح سے 93.14 سینٹ تک کمی واقع ہوئی ہے۔ امریکا کی ممکنہ نئی پابندیوں میں روس کی قومی سلامتی سے متعلق اشیاء کو ہدف بنایا جائے گا۔ ان پابندیوں کا اعلان برطانیہ میں مقیم سابق روسی جاسوس سرگی سکرپل اور اس کی بیٹی جولیا کو کیمیائی زہر سے قتل کرنے کی کوشش کے الزام پر کیا گیا ہے۔ برطانیہ نے روس پر اس واقعہ میں ملوث ہونے کا الزام عائد کیا تھا تاہم روس نے اس سے لاتعلقی ظاہر کی تھی۔

Your Thoughts and Comments