کاروبار آسان ،ٹیکس اصلاحات متعارف کروانے سے صنعتی شعبہ ترقی کرے گا‘خادم حسین

سرمایہ کاروں اور کاروباری طبقہ کو ایک ہی چھت تلے سہولیات سے غیر ملکی سرمایہ کاری میں اضافہ ہوگا

کاروبار آسان ،ٹیکس اصلاحات متعارف کروانے سے صنعتی شعبہ ترقی کرے گا‘خادم ..
لاہور(اُردو پوائنٹ اخبارتازہ ترین۔ 12 فروری2019ء)ممتازتاجر رہنما و پاکستان سٹون ڈویلپمنٹ کمپنی کے بور ڈ آف ڈائریکٹرز کے رکن خادم حسین نے کہا ہے کہ کاروبار آسان کرنے کیلئے ٹیکس اصلاحات میں47کے قریب ٹیکسوں کو کم کرکی21 کرنے اور آن لائن ٹیکس جمع کروانے کی سہولیات سے صنعتی شعبہ ترقی کرے گا،سرمایہ کاروں اور کاروباری طبقہ کو ایک ہی چھت تلے سہولیات سے غیر ملکی سرمایہ کاری اور حکومتی زرمبادلہ کے ذخائر میں اضافہ ہوگا ۔

(جاری ہے)

ان خیالات کا اظہار انہوںنے فیرو ز پور بورڈ کے صنعتکاروں کے وفد سے گفتگو کرتے ہوئے کیا۔ خادم حسین نے کہا کہ حکومت مقامی صنعتوں کو درپیش مسائل کو ترجیح بنیادوں پر حل کرے اور انڈسٹریز کو ان کی ضروریات کے مطابق مسلسل بجلی و گیس کی فراہمی کو یقینی بنایا جائے ۔نیز صنعتی شعبہ کی ترقی کیلئے اس کی پیداواری لاگت میں کمی کیلئے صنعتی شعبہ میں بجلی و گیس کی قیمتوں میں کمی کی جائے تاکہ اشیاء سستی ہوں اور ملکی برآمدات میں اضافہ سے حکومتی زرمبادلہ میں اضافہ سے حکومت کو غیر ملکی قرضوں سے نجات مل سکے ۔

Your Thoughts and Comments