عیدالاضحی پر مویشی منڈیوں کیلئے ایس او پیز پر سختی سے عمل درآمد کروایا جائے، لاہور چیمبر

عیدالاضحی پر مویشی منڈیوں کیلئے ایس او پیز پر سختی سے عمل درآمد کروایا ..
لاہور۔ (اُردو پوائنٹ اخبارتازہ ترین - اے پی پی۔ 30 جون2020ء)لاہور چیمبر آف کامرس اینڈ انڈسٹری نے حکومت سے مطا لبہ کیا ہے کہ عیدالاضحی کے موقع پر مویشی منڈیوں کے لیے بنائے گئے سٹینڈرڈ آپریٹنگ پراسیجرز اور حفاظتی اقدامات پر سختی سے عمل درآمد کروائے تاکہ کورونا کے مزید پھیلائو کا خطرہ نہ رہے۔

(جاری ہے)

ایک بیان میں لاہور چیمبر آف کامرس اینڈ انڈسٹری کے صدر عرفان اقبال شیخ، سینئر نائب صدر علی حسام اصغر اور نائب صدر میاں زاہد جاوید احمد نے کہا کہ عیدالضحی کے موقع پر ہر سال ملک بھر میں منڈیاں سجتی اور خریداروں کا بے پناہ رش ہوتا ہے مگر اس مرتبہ کوروناوائرس کی وجہ سے حالات مختلف ہیں لہذا حکومت کو غیرمعمولی اقدامات اٹھانا ہونگے تاکہ مہلک وائرس کی تباہ کاریوں کی روک تھام کی جاسکے۔

انہوں نے کہا کہ جانوروں کے بیوپاری ملک کے مختلف حصوں سے آتے ہیں اور ذرا سی بے احتیاطی کوروناوائرس کی ترسیل کا سبب بن سکتی ہے۔ انہوں نے کہا کہ جانوروں کی منڈیاں جگہ جگہ لگانے کے بجائے صرف حکومت کی مقررہ جگہ پر ہی قائم کی جائیں اور جو سٹینڈرڈ آپریٹنگ پراسیجرز اور حفاظتی اقدامات حکومت نے تجویز کیے ہیں ان پر سختی سے عمل درآمد کیا جائے

Your Thoughts and Comments