شہر قائد میں مرغی کے گوشت میں مزید20 روپے کا اضافہ،قیمت430روپے فی کلو ہوگئی

شادی بیاہ اور دیگر تقریبات میں اضافے کے سبب مرغی کی طلب میں اضافہ ہوا اور رسد کم ہونے سے قیمتوں میں اضافہ دیکھا جارہاہے،پولٹری ایسوسی ایشن

کراچی(اُردو پوائنٹ اخبارتازہ ترین - این این آئی۔ 22 فروری2021ء)شہر قائد میں مرغی کی قیمت آسمان سے باتیں کرنے لگیں۔ مرغی کا گوشت مزید 20 روپے اضافے سے 430 روپے کلو ہو گیا۔ایک ماہ کے دوران چکن 120 روپے کلو تک مہنگی ہو چکی ہے۔ پیرکومرغی کے گوشت کی قیمت میں 20روپے کلو کااضافہ دیکھا گیا،جس کے بعد مرغی کا گوشت 430روپے کلو ہو گیا۔

(جاری ہے)

زندہ مرغی 10 روپے بڑھ کر 275 روپے کلو ہو گئی۔شہریوں نے اس ضمن میں کہاکہ اس شہر میں کوئی کمشنر کوئی حکومت ہے جو زائد منافع خوروں کیخلاف کارروائی کرے۔دوسری جانب آل پاکستان پولٹری ایسوسی ایشن نے موقف اختیار کیاکہ شادی بیاہ اور دیگر تقریبات میں اضافے کے سبب مرغی کی طلب میں اضافہ ہوا اور رسد کم ہونے سے قیمتوں میں اضافے کا رحجان جاری ہے۔