پاکستان اسٹاک ایکس چینج میں شدید مندی ، سرمایہ کاروں کو52ارب 86کروڑ94لاکھ روپے کا نقصان اٹھانا پڑا

پیر 19 اپریل 2021 17:54

کراچی (اُردو پوائنٹ اخبارتازہ ترین - این این آئی۔ 19 اپریل2021ء) پاکستان اسٹاک ایکس چینج میںکاروباری ہفتے کے پہلے روز پیرکوشدید مندی کا رجحان دیکھنے میں آیا اور سرمایہ کاروں کی جانب سے حصص فروخت کو ترجیع دینے کے باعث کے ایس ای100انڈیکس 45ہزار کی نفسیاتی حد سے گرتے ہوئے 392.06پوائنٹس کی کمی سی44913.57پوائنٹس کی سطح پرآگیا جب کہ67.28فیصد کمپنیوں کے شیئرز کی قیمتوں میں کمی ریکارڈ کی گئی جس کے نتیجے میں سرمایہ کاروں کو52ارب 86کروڑ94لاکھ روپے کا نقصان اٹھانا پڑا تاہم حصص کی لین دین کے لحاظ سے کاروباری حجم گزشتہ ٹریڈنگ سیشن کی نسبت 109.25فی صد زائد رہا۔

گزشتہ روز ٹریڈنگ کے آغاز سے ہی منفی رجحان دیکھنے میں آیااور ملک میں ہڑتال اور امن وامان کے حوالے سے خراب صورتحال کے پیش نظر سرمایہ کاروں نے مارکیٹ سے سرمایہ نکالنے کو ترجیع دی جس کے سبب شدید مندی رہی اور کے ایس ای100انڈیکس دوران ٹریڈنگ 45ہزار کی نفسیاتی حد سے گرتے ہوئی44606پوائنٹس کی نچلی سطح پر آ گیابعد ازاں ریکوری آئی لیکن مجموعی طور پر مندی کا رجحان کاروبار کے اختتام تک برقرار رہا اور کے ایس ای100انڈیکس 392.06پوائنٹس کی کمی سی44913.57پوائنٹس کی سطح پربند ہواجب کہ کے ایس ای30انڈیکس174.88پوائنٹس کی کمی سی18362.90پوائنٹس اور کے ایس ای آل شیئرز انڈیکس191.42پوائنٹس کی کمی سے 30530.86پوائنٹس کی سطح پرآ گیا ۔

(جاری ہے)

گزشتہ روز مجموعی طور پر379کمپنیوں کے شیئرز کا کاروبار ہوا جن میں 109کمپنیوں کے حصص کی قیمتوں میں اضافہ 255میں کمی اور15میں استحکام رہا۔مندی کے باعث مارکیٹ کی سرمایہ کاری مالیت79کھرب4ارب50کروڑ30لاکھ روپے سے گھٹ کر78کھرب51ارب63کروڑ36لاکھ روپے ہوگئی ۔گزشتہ روز نمایاں کاروباری سرگرمیوں کے لحاظ سے مری پٹرولیم46روپے کے اضافے سی1615.56روپے اوررفحان میظ 44.50روپے کے اضافے سی9250روپے ہوگئی جب کہ کولگیٹ پامولو90روپے کی کمی سی2660روپے اورنیسلے پاکستان 56.82روپے کی کمی سی5710روپے ہوگئی۔