- Home
- Business
- Business News
- چینی زبان سیکھنے والے نوجوان چین اور پاکستان کے درمیان صنعتی ، تجارتی اور ثقافتی روابط کو مضبوط ..
چینی زبان سیکھنے والے نوجوان چین اور پاکستان کے درمیان صنعتی ، تجارتی اور ثقافتی روابط کو مضبوط بنانے کا سبب بنیں گے،غیر ملکی زبان سیکھنا ایک بہت بڑا کارنامہ ہوتا ہے ،خاص طور پر چینی زبان سیکھنے والوں کو چینی سرمایہ کاروں کے ساتھ تبادلہءِ خیالات میں آسانی ہو گی ،پاکستان میں چینی سرمایہ کاری کا بہاؤ تیز تر ہوسکے گا
پاک چین جوائنٹ چیمبر آف کامرس اینڈ انڈسٹری کے صدر ‘ شاہ فیصل آفریدی کا خطاب
جمعرات 4 اگست 2016 20:02
لاہور(اُردو پوائنٹ اخبارتازہ ترین - آئی این پی۔4 اگست ۔2016ء) چینی زبان سیکھنے والے پاکستانی نوجوان چین اور پاکستان کے درمیان صنعتی ، تجارتی اور ثقافتی روابط کو مضبوط بنانے کا سبب بنیں گے ۔ یہ بات پاک چین جوائنٹ چیمبر آف کامرس اینڈ انڈسٹری کے صدر شاہ فیصل آفریدی نے پاک چین چیمبر کے زیر اہتمام چینی زبان سیکھنے والے نوجوانوں سے خطاب کر تے ہوئے کہی۔
انہوں کہا کہ غیر ملکی زبان سیکھنا ایک بہت بڑا کارنامہ ہوتا ہے اور خاص طور پر چینی زبان سیکھنے والوں کو چینی سرمایہ کاروں کے ساتھ تبادلہءِ خیالات میں آسانی ہو گی جس سے پاکستان میں چینی سرمایہ کاری کا بہاؤ تیز تر ہوسکے گا۔ انہوں نے کہا کہ پاکستانی نوجوان زہانت اور تخلیقی صلاحیتوں کے حوالے سے دیگر کئی قوموں سے آگے ہیں ۔(جاری ہے)
جبکہ چینی سرمایہ کار اپنی جد ت پسندی کو دنیامیں منوا چکے ہیں۔
چینی زبان سیکھنے والے نوجوانوں کی تخلیقی صلاحیتیں چینی تجربات کے ساتھ ملکر پاکستان میں ایک جدت پسند کاروبار ی کلچر کو تشکیل دے سکیں گی۔شاہ فیصل آفریدی نے کہا کہ پاکستان میں بے روزگاری پر قابوپانے کیلئے سب سے زیادہ کار گر نسخہ یہی ہے کہ پڑھے لکھے نوجوان ، ملازمتوں کی بجائے کاروبار کی طرف آئیں تاکہ نوجوان طبقہ نوکریاں لینے کے بجائے نوکریاں پید ا کرنے کازریعہ بن سکے۔ انہوں نے بتا یا کہ موجودہ حکومت نوجوانوں میں کاروباری رجحانات کو تقویت دینے کیلئے متعدد اہم اقدامات کر رہی ہے جس میں کاروباری تربیت کے علاوہ بنکوں سے قرضوں کا اجراء بھی شامل ہے ۔ جبکہ سمیڈا جیسے سرکاری ادارے مفت کاروباری مشاورت و معاونت بھی فراہم کر رہے ہیں۔ نوجوانوں کیلئے پرائم منسٹر یوتھ بزنس لون کی سہولت بھی حاصل ہے جبکہ کاروبار سے متعلق ۱۰۰ سے زائد پری فیزیبلٹی سٹڈیز اور بزنس پلان سمیڈا کی ویب سائٹ پر دستیا ب ہیں۔ لہٰذا انہوں نے نوجوانوں پر زور دیا کہ وہ چینی ز بان سیکھ کر چین کا دورہ کریں اور وہاں کے کاروباری کلچر کا مطالعہ کریں۔ نیز وہاں کے نوجوان تاجروں اور صنعتکاروں کے ساتھ تبادلہءِ خیالات کریں ۔ اس طرح انہیں دنیا کی ابھرتی ہوئی بڑی معیشت کی کامیا بی کا راز سمجھ آجائے گا اور وہ اپنے ملک میں کاروبار ی کلچر کو فروغ دینے میں وہی راز لاگو کر سکیں گے۔شاہ فیصل آفریدی نے بتا یا کہ اس وقت پوری دنیا ایک کنزیومر سوسائٹی کی شکل اختیا ر کر چکی ہے۔جہاں جدت طرازی کے زریعے مختلف ملکوں کے صنعتکار اور تاجر اپنی جگہ بنا رہے ہیں جن میں چینی صنعتکار اور تاجر سب سے آگے ہیں۔ ہمارے چینی زبان سیکھنے والے نوجوان موثر ابلاغ کے زریعے چینی تاجروں کے ساتھ میل جول بڑھا سکتے ہیں اور یہ میل جول انہیں با آسانی عالمی منڈیوں میں متعارف کرانے کا زریعہ بھی بن جائے گا۔۔ انہوں نے امید کی کہ چینی زبان سیکھنے والے پاکستانی نوجوان چینی کمپنیوں کے ساتھ اشتراک عمل کو فروغ دیتے ہوئے نئی کمپنیوں کی تشکیل کا سبب بنیں گے اور منفرد اور جدیدمصنوعات تیار کر کے وطن عزیز کیلئے عالمی منڈی سے زر مبادلہ کماسکیں گے۔پاک چین جوائینٹ چیمبر کے صدر نے نوجوانوں پر زور دیا کہ وہ کاروبار کرنے کا فیصلہ کرتے وقت اپنی زاتی صلاحیتوں ، معلومات ، فطری رجحان اور دستیاب سرمائے کو مد نظر رکھیں۔ اور کاروبار کے انتخاب کیلئے کسی کی نقل نہ کریں بلکہ اپنے حالات اور اپنی تخلیقی خصوصیات کے زریعے فیصلہ کریں۔ مارکیٹ میں گھسے پٹے آئیڈیا کی گنجائش کم ہوتی ہے مگر نئے، انوکھے اور جدید انداز کی ہمہ وقت ضرورت اور مانگ موجود رہتی ہے۔ انہوں نے چینی زبان سیکھنے والے نوجوانوں کو یقین دہانی کرائی کہ وہ اپنے چیمبر کے توسط سے انہیں پاکستان اور چین کے درمیان موجود تجارتی مواقع کے بارے میں وقتاََ فوقتاََ آگاہ کرتے رہا کریں گے ۔Browse Latest Business News in Urdu
اسمگلنگ کی وجہ سے حکومت بڑے ٹیکس ریونیو سے محروم اور بجٹ خسارہ بڑھتا ہے، افتخار علی ملک
خواجہ محبوب الرحمن کا قرضوں تک رسائی و کاروبار ی لاگت قابل برداشت بنانے کیلئے شرح سود میں کمی کا مطالبہ
تیسری سہ روزہ پاک کرغزستان سرمایہ کاری کانفرنس آئندہ ماہ لاہور میں ہو گی، مہر کاشف یونس
اسلام آباد چیمبر اور چکوال چیمبر نیلا دلہہ کا انڈسٹریل اسٹیٹ کے قیام کیلئے مشترکہ کوششوں پر اتفاق،خطے ..
پاکستان فرنیچر کونسل نے بجٹ تجاویز وزارت خزانہ و اقتصادی امور کو پیش کر دیں، میاں کاشف اشفاق
ہاتھ سے بنے قالینوں کی صنعت کی برآمدات کا ماضی میں بہت اچھا ٹریک ریکارڈ رہا ہے، اعجاز الرحمان
ملکی صرافہ مارکیٹوں میں ایک ہفتے کے دوران سونا4300روپے سستا ہو گیا
انٹر بینک میں ایک ہفتے کے دوران روپے کے مقابلے ڈالر کی قدر بڑھ گئی جبکہ اوپن مارکیٹ میں یورو اور برطانوی ..
ایل پی جی کی درآمدات میں جاری مالی سال کے دوران سالانہ بنیادوں پر9 فیصد اضافہ
ملک میں دالوں کی درآمدات میں جاری مالی سال کے دوران کمی
ایس ای سی پی نے سٹڈی ناؤ پے لیٹر ڈیجیٹل پلیٹ فارم کا لائسنس دیدیا
سیکرٹری صنعت و تجارت کا ماڈل بازار مینجمنٹ کمپنی کے افسران کے ہمراہ زیر تعمیر ہیڈ آفس بلڈنگ کا دورہ،جاری ..
لاہور چیمبر کی وزیراعظم سے ایس آر او 350پر عمل درآمد روکنے کی اپیل، خط لکھ دیا
حیدرآباد چیمبر آف اسمال ٹریڈرز اینڈ اسمال انڈسٹری کے عہدیداران کا ایس ایس پی حیدرآباد امجد احمد شیخ ..
فریز لینڈ کیمپینا اینگرو پاکستان لمیٹڈ کا پہلی سہ ماہی 2024 کے مالیاتی نتائج کا اعلان
کراچی میں نان 20اور روٹی کی قیمت 16 روپے مقرر کی جائے، ایازمیمن
ایران میں پاکستان کے سفیر محمدمدثر ٹیپو کل ایف پی سی سی آئی ریجنل آفس کا دورہ کریں گے
برقی پنکھوں کی برآمد نو ماہ میں 4.75 فیصد بڑھ کر 19.760 ملین ڈالر تک پہنچ گئی
سونے کے نرخ 600 روپے فی تولہ کمی سے 244,400 روپے ہو گئے، آل سندھ صرافہ جیولرز ایسوسی ایشن
ایس ای سی پی کا پہلے اسٹڈی نا ئوپے لیٹرڈیجیٹل پلیٹ فارم کے لائسنس کااجرا
سولر سسٹم لگانے والوں کو بڑا جھٹکا‘فی یونٹ 22روپے کی بجائے10روپے یونٹ خریدنے کی تجویزمنظوری کے لیے بجھوادی ..
بلوچستان فوڈ اتھارٹی کی سوراب اور لورالائی میں کارروائی،ایس او پیز کی خلاف ورزی پر جرمانے عائد
پاکستان سٹاک ایکسچینج میں کاروباری ہفتے کے اخری تیزی کا رجحان رہا، 100 انڈیکس میں مجموعی طور پر 751.35 پوائنٹس ..
پاکستان مواقع سے مالامال اور مزید مضبوط ہونے کی بھرپور صلاحیت رکھتا ہے، سفیر نیدرلینڈز
PSX Live Index
Updated: 08:45:01am | 29-04-2024
Status: Ready | Volume: 0 |
---|
KSE100 Index |
---|
Current |
High |
Low |
Change |
* LDCP represents Last Day Close Price
View Full Summary