اوگرا کے نوٹیفیکیشن کے بغیرایل پی جی کی قیمت ایک ہفتے کے دوران دوسرا بڑا اضافہ

لاہور(اُردو پوائنٹ اخبارتازہ ترین - آئی این پی۔ 04 نومبر2016ء) ایل پی جی لوکل پیداواری اداروں نے ایل پی جی کی قیمت میں 5روپے فی کلو٬ 50روپے گھریلو سلنڈر اور 200روپے کمرشل سلنڈرمیں اضافہ کر دیا ۔اوگرا کے نوٹیفیکیشن کے بغیر گیس کی روز بروز کی بڑھتی ہوئی قیمتوں سے غریب صارفین متاثر اور ڈسٹری بیوٹرز زد میں ہیں۔ گورنمنٹ ایل پی جی پیداواری اداروں OGDCL, PPL, PARCO, SSGC, MOL نے 38000روپے فی میٹرک ٹن سے اضافہ کر کے قیمت44500روپے فی میٹرک ٹن مقرر کر دی۔

دوسری طرف پنجاب بھرمیں پولیس ایل پی جی کے ڈسٹری بیوٹرز ٬ دوکانداروں سے روزانہ کی بنیاد پر بھتہ لے رہیں ہیں٬ سول ڈیفنس اور مجسٹریٹ کی غنڈہ گردی اور بدمعاشی سے پنجاب بھر میں 3000سے زیادہ دکانیں بندہو گئیں ہیں۔ ملک بھر میں پولیس اور سرکاری ادارے ایل پی جی دکانوں سے ماہانہ 2 کروڑ روپے بھتہ وصول کر رہیں ہیں۔

(جاری ہے)

گوجرانوالہ میں 400 غیر معیاری سلنڈر بنانے والے کارخانوں نے دوبارا کھلم کھلا کام شروع کر دیا ۔

ایل پی جی ڈسٹری بیوٹرز ایسوسی ایشن پاکستان کا ہنگامی اجلاس 7نومبر کو لاہور میں طلب کر لیا گیا۔ اجلاس کے بعد بوقت 1بجے ایل پی جی ڈسٹری بیوٹرز ایسوسی ایشن پاکستان ٬ ایل پی جی ٹرانسپورٹ ایسوسی ایشن پاکستان اور عوامی رکشہ یونین کا مشترکہ پریس کانفرنس میں ہڑتال کی کال کا باقائدہ اعلان کیا جائے گا۔ ایل پی جی ڈسٹری بیوٹرز ایسوسی ایشن پاکستان کے چیئرمین عرفان کھوکھر نے کہا ہے اوگرا کے نوٹیفیکیشن کے بغیر ایل پی جی کی روز بروز بڑھتی ہوئی قیمتیں٬پولیس و دیگر سرکاری انتظامیہ کی بھتہ خوری اور غنڈہ گردی کر کے ا یل پی جی ڈسٹری بیوٹرزو دوکانداروںکا معاشی قتل کرنے پر اور گوجرانوالہ میں قائم 400سے زائد غیر معیاری ایل پی جی سلنڈر بنانے والے کارخانوں کا دوبارا کام شروع کرنے پر ایل پی جی ڈسٹری بیوٹرز ایسوسی ایشن پاکستان کا لاہور میں7تاریخ کو ہنگامی اجلاس طلب کر لیا گیا ہے۔

اجلاس کے بعد ایل پی جی ڈسٹری بیوٹرز ایسوسی ایشن ٬ ایل پی جی ٹرانسپورٹ ایسوسی ایشن پاکستان اور عوامی رکشہ یونین مشترکہ پریس کانفرنس کرینگے۔ پریس کانفرنس میں ملک گیر ہڑتال کا باقائدہ اعلان کیا جائے گا۔ چیئرمین عرفان کھوکھر نے مزید کہا ہے کہ اگر اوگرا نے بڑھتی ہوئی قیمتوں کیخلاف اور غیر معیاری سلنڈر بنانے والے کارخانوں کیخلاف ایکشن نہ لیا تو اوگرا کے دفتر کے باہر دھرنہ دینگے۔

اوگرا خاموش تماشائی کا کردار ادا نہ کرے۔ میری وزیراعظم صاحب سے اپیل ہے کہ اگر اوگرا اتھارٹی کو مضبوط کرے تا کہ ایل پی جی کی قیمتیں مستحکم ہوں اور غیر معیاری سلنڈر بنانے والے کارخانوں کا خاتمہ ہو سکے۔کراچی 90روپے فی کلو٬1020روپے گھریلو سلنڈر۔لاہور٬ گوجرانوالہ٬ فیصل آباد٬ جہلم٬ قصور٬ ساہیوال٬ سیالکوٹ٬ ڈسکہ٬ پشاور 100روپے فی کلو1140روپے گھریلو سلنڈر۔

رحیم یار خان٬ صادق آباد٬ حیدر آباد٬ ٬ اٹک ٬گجرات٬ میرپور آزاد کشمیر110روپے فی کلو٬ 1260روپے گھریلو سلنڈر۔ راولپنڈی ٬ اسلام آباد٬ ایبٹ آباد٬مظفر آباد٬ باغ٬ فاٹا٬ کوٹلی٬ ٓآزادکشمیر٬ ٹنڈو محمد خان٬ ٹنڈو اللہ یار٬ میر پور خاص٬ عمر کوٹ٬ نواب شاہ٬ منباری٬ ٹھٹہ٬ دادو٬ جام شورو٬ شکار پور115روپے فی کلو1320روپے گھریلو سلنڈر۔گلگت بلتستان٬ مری٬نتھیا گلی٬ بالاکوٹ٬120روپے کلو٬1380روپے گھریلو سلنڈر کا ہو گیا۔