سراپا عاجزی وانکساری، قدم قدم سازشوں کا شکار

محی الدین بن احمد دین:
سابق صدرزرداری اور جناب مجید نظامی کے ” مردحر“ کراچی میں ” اچھے شو “ کے ذریعے واپس آچکے ہیں ۔ وزیراعظم محمد نواز شریف نے بھی انہیں خوش آمدید کہا ہے ۔ 27دسمبر محترمہ بینظیر بھٹو کی شہادت کا دن ہے ۔ وہ لیاقت باغ میں اس وقت شہید کردی گئی تھیں جب وہ جہالت ‘ مذہبی انتہاپسندی ‘ دہشت گردی کے خلاف وہ ٹوک جنگ کاآغاز کرچکی تھیں ۔

محترمہ کراچی ائیرپورٹ پر قرآن پاک کے زیر سایہ اتریں اور سرزمین وطن کو سجدہ کرتے ہوئے بوسہ دیا تو ان کی آنکھوں میں آنسو تھے ۔ ان پر کراچی آمد ہی پر کار ساز میں قاتلانہ حملہ ہوگیا تھا۔ جس میں ڈیڑھ سوجانثار ان بھٹو شہید ہوگئے تھے ۔ کیسا دلچسپ اتفاق زمانہ ہے کہ ذوالفقارعلی بھٹو جن کو میں اس دن سے شہید سمجھتا اور لکھتاہوں جب وہ ہم سے خواب میں ملنے ہمارے راول ٹاؤن اسلام آباد والے فقیرانہ گھرمیں آئے تھے ۔

(جاری ہے)

خلیجی عربوں کے جلوس میں ہم سے کچھ ” مانگ “ بھی لیا تھا سینیٹر فرحت اللہ بابر کو اس کی تفصیل ہم نے بتادی تھی اور انہوں نے دبئی میں محترمہ کو بتائی تھی جس پر وہ نہ صرف خوش ہوئیں بلکہ ہمیں بابر کے ذریعے ’اشاراتی “ پیغام بھی بھجوایا تھا۔ ہمارے سامنے اس وقت بھٹو جس کرب اور دکھ میں مبتلا تھا ‘ وہی کرب ہم آج تک محفوظ کئے ہوئے ہیں ۔

بلاشبہ بھٹوسے بہت غلطیاں ہوئیں مگر بھٹونے ہی مسلم اکابرین کولاہور میں جمع کیا۔ بھٹو ہی نے قذافی اور فیصل شہید کے ساتھ مل کرمسلمانوں کو نئی سیاسی صف بندی دی۔ مگر غور طلب بات یہ ہے کہ بھٹو راولپنڈی میں تختہ دار پر چڑھے تو محترمہ لیاقت باغ میں شہادت کی سولی پرآویزاں ہوگئیں ۔ کیسا اتفاق ہے ۔
محترمہ بینظیر بھٹو نے اپنے شدید مخالف میاں نواز شریف سے جدوجاکر ملاقات کی ۔

شوہر ذرداری کے ہمراہ نئی شریف بھٹو سیاست کی بنیاد رکھی تھی پھر میثاق جمہوریت کرکے ناممکن کوممکن بنادیا۔ ایک مرتبہ میں نے اپنا خواب ان کے سیاسی رفیق حامد ناصر چٹھ کوسنایا وہ سناٹے میںآ گئے اور مجھ سے محترمہ کی بہت سی خوبیوں کاتذکرہ کرتے رہے تھے ۔ ہم 27دسمبر کی شہادت پرمحترمہ کے سامنے شرمندہ ہیں کہ ہم ” ان“ کو ان سے نہ بچاسکے جوان کو ہر قیمت پر ٹیست ونابود کرنیو الے تھے ۔

ہمارے خیال میں لیاقت علی خان بھٹو ضیاء الحق ، بینظیرکی قاتل ایک ہی عالمی قوت اور ایمپائر ہے لہٰذا ہم ان سب کو عظیم شہداء تصور کرتے ہیں ۔ خداان کی نیکیاں قبول اورخطائیں معاف فرمائیے ۔ انہیں شہادت کے عظیم درجات پر فائز کرے۔ (آمین )
ہمیں افسوس ہے کہ آج پنجاب ‘ پختونخوا میں پی پی پی مقبولیت کھو بیٹھی ہے ۔ جب صدر زرداری خود فیصلہ ساز تھے تو ہم مسلسل لکھ رہے تھے کہ پنجاب میں پی پی پی کا مستقبل تاریک ہوچکا ہے ۔

سندھ میں اور سکھر ولاڑکانہ کی ” چند “ اسمبلی سیٹوں کی خاطر کا لاباغ مخالفت میں پختون وسندھی قوم پرستوں کونام سے جاگیردار اور نفرت وتعصب سے سیاست کرنے والے بھول چکے ہیں کہ پی پی پی کی بنیاد تولاہور میں ڈاکٹر مبشر حسن کے گھر میں رکھی گئی تھی اور بہت سے پنجابی اس وقت بھٹو کے اردگر تھے ۔ اگر لاہور میں پارٹی کی تشکیل ہوئی تو پنجابی آرزوؤں وتمناؤں اور خواہشوں کو ہمیشہ پی پی پی سیاست ی ” ریڑھ کی ہڈی ‘ رہنا تھا مگر افسوس صدافسوس پنجاب کو بے بس بنایا جاچکا ہے ۔

آج ہم بلاقیمت مشورہ دیتے ہیں کہ اگر کوئی ” بھٹوز “ کا حقیقی وارث اور ان کی سیاسی میراث کو پنجاب اور بطور خاص جنوبی پختوانخوا میں زندہ اور مقبول عام بناناچاہتا ہے تو اسے کالا باغ ڈیم کی تعمیر کامئوقف اسی سچائی دلیری ‘ یقین محکم سے پیش کرنا چاہئے جیسے سابق چیئرمین واپڈا ، شمس الملک اور ان جیسے دوسرے قوم کی حقیقی ترجمانی اور رہنمائی کررہے ہیں ۔