ہنگامی حالات میں ہنگامی اقدامات اور حکمتِ عملی!!

وزیرِ اعظم پاکستان عمران خان نے قوم سے خطاب کرتے ہو ئے کہا، کورونا وائرس کے خلاف جنگ حکمتِ عملی سے لڑنی ہے ومارے پاس وسائل کم ہیں لیکن ایمان کی قوت اور نوجوان آبادی ہے عمارے لئے دونوں چیزیں تقویت کے باعث ہیں ملک بھر میں اناج کی کوئی کمی نہیں بھوک کاشکار عوام کو لوٹنے والے ذخیرہ اندوزوں کو شکست دیں گے
  وزیرِ ا عظم کے اس حوصلہ افزاءپیغام سے قو م جان گئی ہے کہ ریاست اپنے قومی اور مذہبی فرائض سے غافل نہیں بلکہ عوامی طاقت سے کورونا کے خلاف ڈٹ گئی ہے پاکستان دوست عوام یہ بھی جانتے ہیں کہ ریاست کے ساتھ قومی ادارے فرنٹ لائین پر ہیں ریاست وبائی صورتِ حال میں اپنے وسا ئل سے کہیں زیادہ اور ہرممکن اقدامات پر نظر رکھے ہوئے ہے ایسے ہنگامی حالات میں مقابلے کے ہنگامی اقدامات حکمتِ عملی سے کئے جاتے ہیں لیکن بد قسمتی سے قومی خود پرست آج کی وبائی صورتِ حال میں بھی اپنے گزشتہ کل سے غافل ہیں ان کو توبہ کا دروازہ نظر نہیں آرہا ریاست کی حکمران جماعت سے ذاتی اختلافات میں اپنی انا کی تسکین کے لئے وزیِر اعظم پر الزامات لگا کر قوم کو گمراہ کررہے ہیں، پاکستان کی اپوزیشن اور آزاد میڈیا ریاست کو بدنام کرنے میں کوئی لمحہ ہاتھ سے جانے نہیں دے رہی ہے۔

(جاری ہے)

دنیا کے ترقی یافتہ ممالک کورونا وائرس کے آگے ہتھیار ڈال چکے ہیں لیکن پاکستان کی سکرین،سوشل پرنٹ میڈیا اور ان کے علاقائی نمائندے اپوزیشن کی خواہشات کی تسکین کے لیے حکومت پر تنقید کے تیر برسا ر ہے ہیں قومی یکجہتی کی ضرورت کے ان ہنگا می ایام میں وزیرِ اعظم عمران خان سے ذاتی دشمنی میں یہ لوگ اپنے قومی اور مذہبی اداب و اخلاق تک کو بھول چکے ہیں، سکرین میڈیا شور مچا رہی ہے عوام بھوکے مر رہے ہیں لیکن مرداروں کے شہر کھاریاں میں تو ہمیں کوئی ایک فرد بھوک سے مرتا کوئی نظر نہیں آیا دیہاڑی دار مزدور اور گھروںمیں کام کرنے وا لی مسکینوں کو بھی اللہ رزق دے رہا ہے
میڈیا جھوٹ بول رہی ہے پاکستان کے محنت کش بھی جانتے ہیں کہ آسمانی وبا آسمان والا ہی ٹال سکتا ہے کوئی زمینی خدا کچھ بھی نہیں کر سکتا ۔

کورونا وائرس نے وزیرِ اعظم کو پیغام نہیں بھیجا تھا کہ تیاری کر لو میں آرہا ہوں ایسی ہنگامی وبائی حالات کا مقابلہ کرنے کے لئے اقدامات سے قبل حکمتِ عملی تیار کی جاتی ہے خود پرست مغرب کی دلدادہ میڈیا والو قوم صابر ہے وہ جانتی ہے کہ پیٹ کے بھوکے کا رازقِ کل پر یقین ہوتا ہے آنکھوں کے بھوکے شور مچایا کرتے ہیں اس لئے کہ ان کی آنکھوں کی بھو ک نہیں مٹتی اور کھبی نہیں مٹتی!
 میاں شہباز شریف صاحب کہتے ہیں اپوزیشن وزیرِ اعظم کے قومی خطاب میں اعلان کئے گئے اقدامات کو مسلم لیگ ن مسترد کرتی ہیں مشکل کی اس گھڑی میں شیطانی راگ الاپنے سے بہتر ہے اپوزیشن لیڈر شہباز شریف خود آگے آئیں بقول ان کے اگر حکومت احسن اقدامات سے غافل ہے تو جماعتی بنیاد پر عوام کی خدمت کریں آپ بھی اپنے وقت کے بادشاہ رہے ہیں آپ کے پاس بھی دولت کی کمی نہیں وزیرِ اعظم کہہ چکے ہیں کسی سے نہیں پو چھا جائے گا کہ ان کے پاس فنڈ میں دینے والی رقم کہاں سے آئی قوم کی لوٹی ہوئی دولت مشکل کی اس گھڑی میں قوم کو واپس کر دو گھرکے مچان سے وڈیو لنک میں کورونا وائرس پر سیاست چمکانے کا وقت نہیں آپکو شکوہ ہے کہ وڈلو لنک اجلاس میں وزیرِ ا عظم اپنی سنا گئے او آ پ کی نہیں سنی لیکن آپ کیوں بھول جاتے ہیں کہ آپ عدالتی مجرم ہیں مجرموں کے ساتھ وزیرِ اعظم کیسے بیٹھ کر قومی پالیسی مرتب کر سکتا ہے۔

آپ قوم کو بے وقوف بنا رہے ہیں لیکن قوم بخوبی جانتی ہے کہ سچ کیا ہے!!!