بھائی تو نہیں چل پائے گا
جمعہ 12 جون 2020
نئے نئے بچے کو کرائم کی بیٹ کے لئیے شکل سے ہی کئی مہا کاریگروں نے نا اہل قرار دے دیا۔تجسس بڑھتا رہا کہ آخر یہ کیا گیدڑ سنگی ہے۔
اسلام آباد کے ایک تھانے میں تو جب ایک صحافی دوست نے پولیس افسر سے میرے سامنے چرس اور آئس لی تو مجھے واقعی یہ اپنی نا اہلی لگی جو کہ یقیناً مجھ سے شاید کبھی نہ ہو پائے گی۔ہر آنے جانے والا ایک ہی سوال کرتا تھا ، شراب پیتے ہو ، کوکین ، آئس وغیرہ کر لو گے ان میں سے اکثر نشے تو وہ ہوتے تھے جنہیں میں گوگل کرتا تھا۔
(جاری ہے)
ایک بار تو ایک صحافی دوست نے پوچھا کہاں رہتے ہو میں نے جب اپنا علاقہ بتایا جو کہ قدرے پوش تھا تو اس نے ایک بار پھر نا اہلی کی تلوار چلا دی ، وجہ دریافت کرنے کی کوشش کی تو معلوم ہوا کہ جناب منشیات فروشوں کے علاقہ میں رہائش کو ایک کامیاب کرائم رپورٹر کی شرط اوّل سمجھتے ہیں۔
شہر میں چلنے والے بڑے بڑے ناجائز بزنسز کے پیچھے آپ کو یہ کرائم رپورٹرز کے نام پہ مافیا ہی دکھائی دے گا ، کسی ہاوسنگ سوسائٹی میں چلے جائیں ، قبضوں کی لسٹ نکال کر دیکھ لیں ہر جگہ وہ طبقہ نظر آئے گا جو اس شعبہ میں نئے آنے والے کو کہے گا تو نہیں کر پائے گا بھائی ۔۔۔
اکثر جگہوں پر تو پولیس کیساتھ ملکر وارداتیں ڈالی جاتی ہیں اور پولیس والے بھی دھندے کو جائز بنانے کے لئیے انہی کا سہارا لیکر اس پرچم کے سائے تلے ہم ایک ہیں کے گن گا رہے ہوتے ہیں۔
مفت کے کھانے ، ائس و کوکین کی رنگینیاں ، شراب و شباب کی پارٹیاں یقین مانیں اگر آپ نہ بھی کریں تو کوئی آپ کو اچھا صحافی بننے سے نہیں روک سکتا ، لوگ آپ کی عزت کریں گے۔
آپ پہ سب سے بڑا الزام یہی آئے گا کہ بچہ ہے نہیں کر پائے گا ، آپ الزام کے ساتھ جینا قبول کر لیں ۔ آپ بروقت اپنا کام مکمل کر کے گھر بھی لوٹ آئیں گے ، رات کو گہری اور میٹھی نیند جزا کے طور پر ملے گی۔
ادارہ اردوپوائنٹ کا کالم نگار کی رائے سے متفق ہونا ضروری نہیں ہے۔
تازہ ترین کالمز :
نورالامین دانش کے کالمز
-
اوورکوٹ
ہفتہ 18 ستمبر 2021
-
مہرہ
ہفتہ 8 مئی 2021
-
بدنام صحافت۔۔۔ بنام صحافت
پیر 25 جنوری 2021
-
اسلام آباد کا سیسیلین مافیا !!!
منگل 1 ستمبر 2020
-
وائرلیس ایڈمینسٹریشن
بدھ 12 اگست 2020
-
قومی ادارے برائے حوصلہ شکنی
منگل 11 اگست 2020
-
چوہدری بننے کے لئیے سی ایس ایس کا امتحان کیوں؟؟؟
بدھ 17 جون 2020
-
بھائی تو نہیں چل پائے گا
جمعہ 12 جون 2020
نورالامین دانش کے مزید کالمز
کالم نگار
مزید عنوان
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.