شہباز شریف کی گرفتاری انتقامی کارروائی ، وفاقی اور صوبائی وزیر اطلاعات نیب کے خود ساختہ ترجمان بنے ہوئے ہیں (ن) لیگ
فواد چوہدری کو کس نے بتایا یہ پہلی گرفتاری ہے ،نیب ان سے اجازت لیکر گرفتاریاں کر رہی ہے ،جو ہمیں ڈراتے ہیں وہ خود سیاسی خوف میں مبتلا ہیں نیب کو میٹرو پشاور کے کھڈے نظر نہیں آتے،آئندہ کے لائحہ عمل کا فیصلہ مشاورت سے کیا جائیگا‘ مریم اورنگزیب، رانا ثنا اللہ
ہفتہ 6 اکتوبر 2018 14:30
(جاری ہے)
ان کا کہنا تھا کہ شہباز شریف کی گرفتاری سیاسی انتقام کی کڑی ہے، جو ہمیں تڑیاں لگا رہے ہیں ڈرا رہے ہیں وہ اصل میں خود سیاسی خوف کاشکار ہیں۔
پی ٹی آئی کو نظر آرہا ہے کہ ضمنی انتخابات میں (ن) لیگ جیت جائے گی تو ان کی حکومتوں کا کیا بنے گا۔ انہوںنے کہا کہ دو وزراء کی گردان سن رہے ہیں کہ یہ پہلی گرفتاری ہے ۔ فواد چوہدری کو کس نے بتایا یہ پہلی گرفتاری ہے ، کیا نیب ان سے اجازت لے کر ایسی حرکتیں کر رہا ہے ۔ حکومت کے بقول اگر نیب واقعی آزاد ادارہ ہے تو دونوں وزراء کے خلاف نیب کی کارروائی میں مداخلت کا کیس تیار کیا جائے ۔ورنہ ہم سمجھیں گے کہ موجودہ حکومت سیاسی میدان میں شکست کے خوف سے سیاسی انتقام کا نشانہ بنا رہی ہے ۔ چار ووٹوں پر کھڑی حکومت کو معلوم ہے کہ ضمنی انتخابات میں پنجاب کی 37نشستیں مسلم لیگ (ن) کو ملنے جارہی ہیں ۔ کیونکہ انہیں معلوم ہے کہ انہوں نے ملی بھگت سے جس طرح غریب عوام پر مہنگائی کے بم برسائے ہیں اور جس طرح غریب کے منہ سے روٹی چھینی ہے اور کہتے ہیں کہ ہم نے مہنگائی نہیں کی انہیں آئندہ کے نتائج معلوم ہیں ۔ انہوں نے کہا کہ جب آپ شہباز شریف کو گرفتار کریں گے اور عثمان بزدار کو وزیر اعلیٰ بنائیں گے تو پنجاب کی عوام کا یہی رد عمل ہوگا۔انہوں نے کہا کہ مسلم لیگ (ن)نے نیک نیتی کے ساتھ محب وطن سرکاری افسران کو ہمیشہ تعینات کیا۔شہباز شریف نے جتنے کام کیے ہیں اس کو صرف پنجاب نہیں پوری دنیا جانتی ہے۔انہوںنے کہا کہ ایسا کیس جو تفتیش کے مرحلے میں ہے اس میں گرفتار ی کی گئی کیا گیا۔سب کو معلوم ہے کہ آشیانہ سکیم میں ایک روپے کی کرپشن نہیں کی گئی اور شہباز شریف اس کیس میں سرخرو ہوں گے۔ ایسی کارروائیاں اور سیاسی انتقام پاکستان کی تاریخ میں پہلے بھی ہوئے ہیں۔انہوںنے کہا کہ احتساب عدالت کا جسمانی ریمانڈ دینے کا فیصلہ ملکی تاریخ کا سیاہ ترین فیصلہ ہے ۔ نیب کو میٹرو پشاور کے کھڈے نظر نہیں آتے۔ انہوں نے کہا کہ شہباز شریف کی گرفتاری کے معاملے پر آئندہ کے لائحہ عمل کا فیصلہ مشاورت سے کیا جائے گا۔ رانا ثنا اللہ خان نے میڈیا سے گفتگو کرتے ہوئے کہا کہ شہباز شریف کی گرفتاری انتقامی کارروائی ہے اور اس کے پیچھے کیا محرکات ہیں سب اس سے آگاہ ہیں۔ انہوں نے کہا کہ حکومت مکمل جانبداری کا مظاہرہ کر رہی ہے ۔پہلے عام انتخابات سے قبل نواز شریف کو گرفتار کیا گیا اور ضمنی انتخابات سے قبل شہباز شریف کو گرفتار کر لیا گیا ہے ، قوم ایسے ہتھکنڈوں آگاہ ہے ۔ انہوںنے کہا کہ نیب کی جانب سے ایک روپے کی کرپشن ثابت نہیں کی جا سکی انشا اللہ شہباز شریف اس کیس میں سر خرو ہوں گے۔عظمیٰ زاہد بخاری نے کہا کہ یہی وہ دس دن ہیں جب پی ٹی آئی شہباز شریف کو گرائونڈ پر نہیں دیکھنا چاہتی۔ حکومت یہ بھی چاہتی ہے کہ ضمنی انتخاب سے پہلے شہباز شریف میدان میں نہ ہوں اور اسی لئے انہیں بے بنیاد اور جھوٹے کیس میں گرفتار کیا گیا ۔اگر نیب کے پاس ثبوت ہیں تو سامنے لائے جاتے اس کے لئے جسمانی ریمانڈ کی کیا ضرورت ہے۔مزید کشمیر کی خبریں
-
مودی حکومت نے جموں وکشمیر پیپلزلیگ ، پیپلزفریڈم لیگ پرپابندی عائد کردی، لبریشن فرنٹ پرپابندی میں 5 برس کی توسیع
-
مظفرآباد، میٹرک کی سند میں تاریخ پیدائش تبدیل کرنے کا جرم ثابت ہونے پر ملزم کو پانچ سال قید اورایک لاکھ روپے کی سزا
-
بھدرواہ میں 3.6 شدت کے زلزلے کے جھٹکے
-
کشتواڑ میں 3.4 شدت کا زلزلہ
-
جموں و کشمیرمیں بھارتی اقدامات انسانیت کے خلاف سنگین جرائم ہیں، امریکا میں پاکستانی سفیرکا خطاب
-
پاکستان حق خود ارادیت کے حصول تک کشمیری بہن بھائیوں کی اخلاقی، سیاسی اور سفارتی مدد جاری رکھے گا، انوار الحق کاکڑ
-
کشمیری فنکاروں، شاعروں اور موسیقاروں نے مقبوضہ کشمیر میں بھارتی انسانی حقوق کی خلاف ورزیوں کو اجاگر کرنے میں اہم کردار ادا کیا ہے،مشعال ملک
-
عالم اسلام کو اسلامی تہذیب کی علامتیں مٹانے پر بھارت کا بائیکاٹ کرنا چاہیے ، مشعال ملک
-
گڑھی دوپٹہ سے ملحق علاقے لوگلی کے جنگل میں آگ بھڑک اٹھی
-
میرپورمیں پہلا سافٹ ویئرٹیکنالوجی پارک تکمیل کے آخری مرحلے میں داخل ہو گیا
-
مشعال ملک کا پروفیسر شال کے انتقال پر اظہار تعزیت
-
جنرل اسمبلی میں پاکستا ن کی پیش کردہ قرارداد کی منظوری جموں و کشمیر اور فلسطین کے مکینوں کے لئے امید کی کرن ہے،منیر اکرم
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.