2018ء کے الیکشن میں آپ کے ووٹ کی امانت میں خیانت کی گئی، ہم حساب لینگے ، شاہد خاقان عباسی
ہمارے مسائل کا حل آئینی کی بالادستی میں ہے، صاف اور شفاف الیکشن کرائے جائیں ، سابق وزیر اعظم کا خطاب ملک میں صاف اور شفاف الیکشن کرائے جائیں اورجو جماعت کامیاب ہو وہ عوامی مینڈیٹ کے ساتھ اقتدا ر میں آئے، رانا ثناء اللہ مسلم لیگ ن کا قافلہ چل پڑا ہے اور یہ قافلہ اپنی منزل پر پہنچ کر ہی دم لے گا، 13دسمبر کو سلیکٹ حکومت کا خاتمہ ہوگا ، احسن اقبال
جمعہ 4 دسمبر 2020 23:20
(جاری ہے)
انہوںنے کہاکہ ہر آدمی مہنگائی سے تنگ ہے ،مہنگائی وہ تحفہ ہے جو عمران خان نے دیا ، عمران خان کو لانے والوں نے دیا ہے ، ہمارا اختلاف آئین سے توڑنے والوں سے ہے ، اختلاف معیشت کو تباہ کر نے والوں سے ہے ، اگر ہم نے مہنگائی کو ختم کر نا ہے تو آئین پر عمل کر نا ہوگا ، معیشت بہتر بنانی ہے تو آئین پر چلنا ہوگا ۔
انہوںنے کہاکہ 2013ء میں سولہ سولہ گھنٹے بجلی نہیں ہوتی تھی ، نواز شریف کے دور میں بجلی اور گیس بھی تھی ، اگر پاکستان چلتا رہتا تو پاکستان کا بہت بلند مقام ہوتا ہے ۔ انہوںنے کہاکہ ملک میں ایسا حکمران آیا جس کی سوچ چھوٹی ہے وہ عوام کی تکلیف کی بات کر نے کی بجائے اپوزیشن کی بات کرتا ہے ۔انہوںنے کہاکہ یہ ماضی کی اپوزیشن نہیں ہے ، مسلم لیگ (ن) پر الزام لگتا تھا وہ جدوجہد میں آگے نہیں ہوتے ، جیل میں سب سے پہلے نوازشریف گیا ، جیل میں مریم نواز ، رانا ثناء اللہ ، شہباز شریف جیل میں گئے ۔ انہوںنے کہاکہ سیاستدانوں پر بھینس چوری کا الزام لگایا جاتا تھا ، آج کے حکمرانوں نے رانا ثناء اللہ پر پندرہ کلو ہیروئن ڈال دی ، یہ شرم ناک باتیں ہیں ۔انہوںنے کہاکہ ملک میں نام نہاد جمہوریت ہے ۔ انہوںنے کہاکہ کراچی ، کوئٹہ ،پشاور اور گوجرانوالہ میں تاریخی جلسہ تھا ، ملتان میں جلسہ کو روکا گیا ، پھر بھی تاریخ کا سب سے بڑا جلسہ کیا گیا ۔سابق و زیر اعظم نے کہاکہ عوام نے تیرہ دسمبر کو باہر نکلنا ہے ، پورا پاکستان دیکھے گا لاہور میں جلسہ کیسے ہوتا ہے ایک تاریخ ساز جلسہ ہوگا ۔ انہوںنے کہاکہ یہ اقتدار کی جنگ نہیں ہے یہ نو جوانوں کے مستقبل کی جنگ ہے ۔ انہوںنے کہاکہ ہم نے پی ڈی ایم کی تحریک کو کامیاب کر نا ہے اور پاکستان کی سیاست کا رخ تبدیل کر نا ہے ۔انہوںنے کہاکہ 2018ء کے الیکشن کو چوری کیا گیا ، آپ کے ووٹ کی امانت میں خیانت کی گئی ہم نے اس کا حساب لینا ہے ، عوام کو ایک بار پھر اپنی رائے کا حق دینا ہے اور ایسا نمائندہ آئے جو پاکستان کے عوام کے مسائل حل کر سکے ۔انہوں نے کہاکہ ہمارے مسائل کا حل آئینی کی بالادستی میں ہے ۔رانا ثناء اللہ نے خطاب کرتے ہوئے کہا کہ نوازشریف نے کسی کو گالی دی ہے نہ برا کہا ہے ، نوازشریف نے عمران خان کا نام تک نہیں لیا ، نوازشریف کا موقف ہے ملک آئین اور قانون کے مطابق چلنا چاہیے ، عوام کے ووٹ کو عزت ملنی چاہیے ، عوام کے ووٹ کے فیصلے کو تسلیم کیا جاناچاہیے ، پاکستان کو ہمارے آبائو اجداد نے سیاسی جدوجہدکے نتیجے میں وجود میں آیا ۔ انہوںنے کہاکہ نوازشریف کہتا ہے پاکستان کو ووٹ کی طاقت سے چلایا جائے ۔ انہوںنے کہاکہ پاکستان میں کوئی نیا تجربہ کر نے کی پوزیشن میں نہیں ہے ، ملک میں صاف اور شفاف الیکشن کرائے جائیں اورجو جماعت کامیاب ہو وہ عوامی مینڈیٹ کے ساتھ اقتدا ر میں آئے ۔راناثناء اللہ نے کہاکہ عمران کو لانے کیلئے بڑے بڑے قصے گھڑے گئے ، مریم نواز نے ملتان میں کہا بندہ ایماندار ہے اور پھر ساری خرابیاں گنوائیں ۔ اس موقع پر راناثناء اللہ نے وزیر اعظم پر سنگین الزامات لگائے ۔انہوںنے کہاکہ عمران خان کا خرچہ چلانے والی اے ٹی ایمز پھر آٹا ، چینی ، پٹرول ڈکیتی سے کماتی ہیں ، ادویات ڈکیتی سے سینکڑوں ارب کماتی ہیں ۔ انہوںنے کہاکہ حکمران مخالفین کے خلاف جھوٹی مقدمات بنائے ہیں ، احسن اقبال اور شاہد خاقان عباسی کے خلاف ریفرنس بنائے ،شاہد خاقان عباسی نے کہا ہے کہ میرا مقدمہ میڈیا کے سامنے چلایا جائے ۔انہوںنے کہاکہ ہم اب عمران خان کو نہیں چھوڑینگے ۔ انہوںنے کہاکہ پوری طاقت کے ساتھ لاہور میں جائیں گے اور یہ جہاں روکیں گے وہی جلسہ ہوگا ۔مسلم لیگ ن کے مرکزی سیکرٹری جنرل احسن اقبال نے ورکر کنونشن سے خطاب کرتے ہوئے کہا ہے کہ مسلم لیگ ن کا قافلہ چل پڑا ہے اور یہ قافلہ اپنی منزل پر پہنچ کر ہی دم لے گا۔احسن اقبال نے کہا کہ 13دسمبر کو سلیکٹ حکومت کا خاتمہ ہوگا کیونکہاس حکومت کو اب جانا ہے اور مسلم لیگ ن نے دوبارہ آنا ہے۔انہوں نے کہا کہ اس حکومت نے عوام پر مہنگائی کا طوفان کھڑا کردیا ہے۔ میاں جاوید لطیف نے خطاب کرتے ہوئے کہا کہ سترسال سے پاکستان میں آئین اور قانون پر عمل نہیں ہوا، انہوںنے حکومت پر تنقید کرتے ہوئے کہاکہ اگر آپ نے مہنگائی اور بے روز گاری کی بیماری سے چھٹکارا حاصل کر نا ہے تو آئین اور قانون کے مطابق ملک کو چلانا ہوگا ۔مزید اہم خبریں
-
ایرانی صدر کی مزار اقبالؒ پر حاضری ، فاتحہ خوانی کی ،پھولوں کی چادر چڑھائی
-
ایرانی صدر ڈاکٹر ابراہیم رئیسی دورہ پاکستان کے دوسرے مرحلے میں لاہور پہنچ گئے ، دفتر خارجہ
-
آئی ایم ایف کے ساتھ طویل مدتی پروگرام ضروری ہے ، پاکستان سٹاک مارکیٹ تاریخ کی بلند ترین سطح پر ہے ، زراعت کا شعبہ 5 فیصد کی شرح سے نمو کررہا ہے، وزیرخزانہ کا خطاب
-
وزیراعلیٰ پنجاب نے صوبائی انفورسمنٹ اتھارٹی کے قیام کی منظوری دیدی
-
وزیر اعظم کاٹیکس کیسز میں دانستہ التوا ء کا نوٹس
-
حکومت بالکل ناکام ہو چکی، ان کو سارے کیسز واپس لینے ہوں گے، شیخ رشید احمد
-
پمز ہسپتال کے ڈاکٹروں نے بشریٰ بی بی کو خوراک میں احتیاط کرنے کا مشورہ دیدیا
-
ایرانی صدرڈاکٹرسیدابراہیم رئیسی کی لاہور آمد،وزیر اعلی پنجاب مریم نوازنے پرتپاک استقبال کیا
-
اطالوی شہرمیں رات بارہ بجےکے بعد آئس کریم کی فروخت پر پابندی
-
سعد رفیق کا اپنی تقریر ایڈٹ کر کے جاری کرنے پر پی ٹی آئی کیخلاف قانونی کارروائی کااعلان
-
روانڈا منصوبہ: برطانوی پارلیمان میں تارکین وطن کی ملک بدری کا بل منظور
-
ایف آئی اے افسر کی عدالت پیشی پر طبیعت خراب، ہسپتال میں انتقال ہوگیا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.