بلاول بھٹو زرداری (کل) بھربھر میں 150سے زائد اضلاع میں ہونے والی یوم تاسیس کی تقریبات سے خطاب کرینگے

جمعہ 29 نومبر 2024 16:49

اسلام آباد (اُردو پوائنٹ اخبارتازہ ترین - این این آئی۔ 29 نومبر2024ء) چیئرمین پی پی پی بلاول بھٹو زرداری پاکستان پیپلزپارٹی کے 57ویں یوم تاسیس کے موقع پر 30 نومبر بروز ہفتہ شام سوا چھ بجے ملک بھر میں 150 سے زائد اضلاع میں ہونے والی تقریبات سے ویڈیو لنک کے ذریعے خطاب کریں گے، چیئرمین بلاول بھٹو زرداری کے ویڈیو لنک خطاب سے قبل کوئٹہ میں وزیراعلی بلوچستان میر سرفراز بگٹی، جامشورو میں وزیراعلی سندھ سید مراد علی شاہ، پشاور میں گورنر خیبرپختونخوا فیصل کریم کنڈی اور ملتان میں گورنر پنجاب سردار سلیم حیدر کا خطاب ہوگا۔

چیئرمین بلاول بھٹو زرداری کے ویڈیو لنک خطاب سے قبل حیدرآباد میں سید قائم علی شاہ، گوجرانوالہ میں اعتزاز احسن، راولپنڈی میں راجہ پرویز اشرف اور سانگھڑ میں شازیہ مری کا خطاب ہوگا۔

(جاری ہے)

چیئرمین بلاول بھٹو زرداری کے ویڈیو لنک خطاب سے قبل مخدوم احمد محمود رحیم یار خان، نثار کھوڑو اور سعید غنی کراچی، خورشید شاہ سکھر، قمر زمان کائرہ اٹک، جمیل سومرو لاڑکانہ اور چوہدری منظور احمد فیصل آباد میں خطاب کریں گے۔

چیئرمین بلاول بھٹو زرداری کے ویڈیو لنک خطاب سے قبل لاہور میں حسن مرتضی، نواب شاہ میں ناصر شاہ اور ضیاء لنجار، چکوال میں سینیٹر پلوشہ خان، جیکب آباد میں اعجاز جکھرانی، سرگودھا میں ندیم افضل چن، میرپورخاص میں شرجیل میمن، ساہیوال میں شہزاد سعید چیمہ، گلگت شہر میں امجد ایڈووکیٹ اور مظفرآباد میں چوہدری یاسین یوم تاسیس کی تقریبات سے خطاب کریں گے۔

درج بالا خطابات کے علاوہ بھی پارٹی قائدین ملک کے دیگر اضلاع میں یوم تاسیس کی تقریبات سے خطاب کریں گے۔الیکٹرانک اور ڈیجیٹل میڈیا پر چیئرمین پی پی پی بلاول بھٹو زرداری کے خطاب کی لائیو کوریج کے لئے پاکستان پیپلزپارٹی کے آفیشل سوشل میڈیا اکاؤنٹس کے علاوہ پاک سیٹلائیٹ فریکوئنسی کے پیرامیٹرز فراہم کئے جائیں گے جبکہ میڈیا سے استدعا ہے کہ براہ کرم ملک بھر کے تمام اضلاع میں ہونے والی یوم تاسیس کی تقریبات کی کوریج کے لئے اپنے لائیو سورسز کو بھیجیں۔