دہشتگردی پاکستان میں پنپ رہی ہے، سی پیک پوری دنیا کی آنکھوں میں کھٹک رہا ہے،حنیف عباسی

لاہور(اردوپوائنٹ اخبار تازہ ترین۔15 مارچ 2025)وفاقی وزیر ریلوے حنیف عباسی کا کہنا ہے کہ دہشتگردی پاکستان میں پنپ رہی ہے،سی پیک پوری دنیا کی آنکھوں میں کھٹک رہا ہے،وفاقی وزیر ریلوے کاجعفر ایکسپریس کے شہداءکے لواحقین کو 52 لاکھ روپے اوربچوں کوریلوے میں نوکری دینے کا اعلان،لاہور میں ریلوے ہیڈ کوارٹرمیں پریس کانفرنس سے خطاب کرتے ہوئے وفاقی وزیر ریلوے نے کہا کہ ٹرین حادثے پرپی ٹی آئی بریگیڈ اور بھارتیوں نے فوج کو ٹارگٹ کیا ہوا ہے۔

بلاول نواز شریف یا شہباز شریف کو ٹارگٹ نہیں کیا، کیا کروڑوں اربوں روپے فوج کو ٹارگٹ کرنے کیلئے پی ٹی آئی بریگیڈ کو نہیں ملے؟۔انہوں نے کہا کہ فیصلہ ہو چکا ہے کہ معصوم انسانی جانوں سے کھیلنے والے دہشت گرد چاہے پاکستان میں ہوں یا بھاگ کر افغانستان یا کسی اور ملک چلے جائیں انہیں نہیں چھوڑا جائے گا۔

(جاری ہے)

ہمیں سوچنا ہوگا ملک میں دہشتگردی نے دوبارہ سر کیوں اٹھایا؟۔

جتنے دہشت گرد پاکستان میں موجود ہیں انہیں نہیں چھوڑا جائےگا۔ یہ دہشت گرد اگر بھاگ کر افغانستان یا جہاں بھی جائیں گے تو ان کا پیچھا کیا جائے گا۔وفاقی وزیر ریلوے حنیف عباسی نے پریس کانفرنس سے خطاب کرتے ہوئے مزید کہا کہ ہم میزائل بناتے ہیں تو اسرائیل پروپیگنڈہ کرتا ہے۔ دہشتگردی کیلئے ہمسایہ ملک اب افغانستان کی سرزمین کو استعمال کر رہا ہے۔

سانحہ جعفر ایکسپریس سے ایک طرف قوم افسردہ ہے تو دوسری طرف ایک مخصوص سیاسی جماعت نے وہی بات کی جو بھارت نے زبان استعمال کی۔ایک طرف جعفر ایکسپریس کا اندوہناک واقعہ ہوتا ہے اور دوسری طرف سیاسی مقاصد حاصل کرنے والے لوگوں نے کیا کیا۔ اس واقعہ کی مذمت تو امریکا اور اقوام متحدہ نے بھی کی لیکن اس واقعہ کی مذمت نہیں کی تو ہمارے دشمنوں نے نہیں کی اس سازش کو ہم سب نے مل کر ناکام بنانا ہے ہمیں بھی جیلیں ہوئیںلیکن ہم نے کبھی کسی ادارے کو برا بھلا نہیں کہا۔

جو بھگوڑے پاکستان کا گالی دے گا اسے کروڑوں روپے گھر بھی ملے گا، پاکستان پر وہ لوگ بھونکتے ہیں انہیں پاکستان نے نام دیا۔ان کایہ بھی کہناہے کہ ایسی مخلوق ہے جو اقتدار کی خاطر پاکستان پر بم گرانے کی بات کرتے رہے اور دشمن کا ساتھ بھی دے رہے ہیں۔پاکستان ایٹمی ملک ہے وہ ایٹمی ملک ستاون اسلامی ممالک میں پہلا ہے جو دنیا کی آنکھ میں کھٹک رہا ہے۔

افغانستان میں بھارتی بائیس کونسل خانہ کھولنے کا مقصد ہے اگر علاقے کا شیر ہے تو ڈائریکٹ لڑے اگر وہ لڑ نہیں سکتا تو ایسی بزدلانہ کارروائیاں کررہاہے۔انہوں نے یہ بھی کہا کہ کامیاب آپریشن پر فوج کو خراج تحسین پیش کرتے ہیں۔ریسکیو آپریشن کرکے مسافر ٹرین میںپھنسے لوگوں کو نکالنا دیدنی ہے جس پر افواج پاکستان کو خراج تحسین پیش کرتے ہیں۔

چار سو ستائیس مسافروں کو شہید کرنے کےلئے خود کش حملہ آور آئے تھے۔ کمانڈوز نے ٹرین کے اندر ایک بھی خود کش حملہ آور کو پھٹنے نہ دیا۔اس واقعہ کے بعد پوری قوم کوپاک فوج کے پیچھے کھڑاہونا پڑے گا۔وفاقی وزیر ریلوے حنیف عباسی نے پریس کانفرنس کے دوران یہ اعلان بھی کیا کہ ریلوے پولیس کا سکیل پنجاب پولیس کے برابر کردیا گیاہے۔ریلوے پولیس میں مداخلت نہیں کریں گے بلکہ معاونت کریں گے۔

ریلوے کی بہتری کیلئے کام کر رہے ہیں۔ اسٹیشنزکی اپ گریڈیشن کو بھی ہم دیکھ رہے ہیں۔ریلوے کے بہت مسائل ہیں لیکن ہم چاہتے ہیں سرسبز پاکستان ہو۔ ریلوے کا چارج لئے دس بارہ دن ہوئے ہیں، میرے کہنے پر ایم ایل ون شروع کرنے کااعلان کرتے کان پک گئے ہیں۔ محکمہ ریلوے میں بروقت ٹرینیں کروائیں گے صفائی شفافیت کو یقینی بنائیں گے اس پر کوئی کمپرومائز نہیں ہوگا۔ اسٹیشن کی اپ گریڈیشن اسٹیشنز پر کیمرے اور کارگو کی اپ گریڈیشن کریں گے۔ وزیر اعظم نے انجمن تاجران فیڈریشن چیمبر سب کو بلایا ہے سب نے کہا سستا کارگو چاہیئے اور ٹرین کیلئے ویگنز نہیں ہیں جس طرح مسافر ٹرین میں ریونیو بڑھا ہے اسی طرح سستا کارگو بھی کریں گے۔