Live Updates

ایک امتحان کبھی بھی آپ کا فیصلہ نہیں کرسکتا، بھارتی وزیراعظم کا معنی خیز پیغام

آدم پور ایئر بیس کا دورہ کیا جہاں میں اپنے بہادر فضائی جنگجوؤں اور سپاہیوں سے ملا، ان لوگوں کے ساتھ رہنا ایک بہت ہی خاص تجربہ تھا؛ نریندر مودی کی ایکس پر پوسٹ

ساجد علی منگل 13 مئی 2025 14:16

ایک امتحان کبھی بھی آپ کا فیصلہ نہیں کرسکتا، بھارتی وزیراعظم کا معنی ..

نئی دہلی ( اُردو پوائنٹ اخبارتازہ ترین۔ 13 مئی 2025ء ) بھارت کے وزیراعظم نریندر مودی کی جانب سے ایک معنی خیز پیغام جاری کیا گیا ہے جس میں ان کا کہنا ہے کہ ایک امتحان کبھی بھی آپ کا فیصلہ نہیں کرسکتا۔ سوشل میڈیا پلیٹ فارم ایکس پر جاری اپنے ایک بیان میں انہوں نے کہا کہ ان لوگوں کو جو اپنے سکور پر تھوڑا سا افسردہ محسوس کرتے ہیں، میں انہیں بتانا چاہتا ہوں کہ ایک امتحان کبھی بھی آپ کے بارے میں کوئی فیصلہ یا آپ کی تعریف نہیں کرسکتا، آپ کا سفر بہت بڑا ہے اور آپ کی طاقتیں مارک شیٹ سے کہیں آگے ہیں، پراعتماد رہیں، متجسس رہیں کیوں کہ بڑی چیزیں منتظر ہیں۔

بھارتی وزیراعظم کا کہنا ہے کہ آج صبح میں نے اے ایف ایس آدم پور کا دورہ کیا جہاں میں اپنے بہادر فضائی جنگجوؤں اور سپاہیوں سے ملا، ان لوگوں کے ساتھ رہنا ایک بہت ہی خاص تجربہ تھا جو ہمت، عزم اور بے خوفی کی مثال بنے ہوئے ہیں، ہندوستان ہماری مسلح افواج کا ہمیشہ سے ان تمام چیزوں کے لیے شکر گزار ہے جو وہ ہماری قوم کے لیے کرتے ہیں۔

(جاری ہے)

گزشتہ روز بھارتی وزیراعظم نریندر مودی نے قوم سے خطاب کیا جس کے دوران وہ آف کلر نظر آئے، نریندر مودی نے اپنے خطاب میں پہلگام واقعے کو ظلم قرار دیا اور پاکستان پر بے بنیاد الزامات کو دہرایا، بھارتی وزیراعظم کا کہنا تھا کہ نیو نارمل یہ ہے کہ بھارت خود پر حملے کا فوری جواب دے گا، پانی اور خون ساتھ نہیں بہہ سکتے، تجارت، مذاکرات اور دہشت گردی ساتھ ساتھ نہیں چل سکتے، اگر پاکستان سے مذاکرات ہوئے تو دہشتگردی کے خاتمے پر ہوں گے اور کشمیر پر بات ہوگی تو وہ آزاد جموں و کشمیر پر ہوگی، جنگ بندی پاکستان کی درخواست پر عمل میں آئی، ایٹمی حملے کی دھمکی کی بلیک میلنگ میں نہیں آئیں گے۔