سندھ طاس معاہدے کی یکطرفہ معطلی کہ عدالتی فیصلے سے پاکستانی بیانیے کو تقویت ملی ہے، وزیراعظم شہباز شریف

اسلام آباد(اردوپوائنٹ اخبار تازہ ترین۔28جون 2025)وزیراعظم شہباز شریف کا کہنا ہے کہ سندھ طاس معاہدے کی یکطرفہ معطلی کہ عدالتی فیصلے سے پاکستانی بیانیے کو تقویت ملی ہے،وزیراعظم نے سندھ طاس معاہدے کی یکطرفہ معطلی پر مستقل ثالثی عدالت کی طرف سے دئیے گئے ضمنی ایوارڈ کا خیرمقدم کیا،وزیراعظم شہباز شریف نے سندھ طاس معاہدے کے حوالے سے مستقل ثالثی عدالت کے ضمنی فیصلے پاکستان کے مؤقف کی کامیابی قرار دیا،وزیراعظم شہباز شریف نے کہا ہے کہ عدالتی فیصلے سے پاکستانی بیانیے کو تقویت ملی ہے۔

عدالتی فیصلے کے مطابق بھارت یکطرفہ طور پر سندھ طاس معاہدہ معطل نہیں کرسکتا۔وزیراعظم نے کہا کہ پانی پاکستان کی لائف لائن ہے اور حکومت آبی وسائل پر سنجیدگی سے کام کررہی ہے۔

(جاری ہے)

عدالتی فیصلے سے دنیا کے سامنے واضح ہوگیا ہے کہ بھارت یکطرفہ طور پر سندھ طاس معاہدہ معطل نہیں کر سکتا۔انہوں نے کہا کہ آبی وسائل پر کام کر رہے ہیں، پانی ہماری لائف لائن ہے۔

وزیراعظم شہباز شریف نے وزیر قانون اعظم نذیر تارڑ اور اٹارنی جنرل منصور اعوان کی کاوشوں کی تعریف بھی کی ہے۔دوسری جانب پاکستان پیپلز پارٹی بلاول بھٹو زرداری نے سندھ طاس معاہدے پر عالمی ثالثی عدالت کے فیصلے کا خیر مقدم کیا ہے۔مائیکرو بلاگنگ ویب سائٹ ایکس پر اپنے جاری کردہ بیان میں بلاول بھٹو زرداری کاکہناہے کہ سندھو پر حملہ نامنظور، ثالثی عدالت کے فیصلے نے بھی توثیق کر دی ہے کہ سندھ طاس معاہدے پر یکطرفہ بھارتی فیصلے کی بین الاقومی قانون میں کوئی گنجائش نہیں ہے۔

بلاول بھٹو زرداری کا کہنا ہے کہ عالمی ثالثی عدالت نے قرار دیا ہے کہ سندھ طاس معاہدے پر کسی فریق کو یکطرفہ فیصلے کا حق نہیں ہے۔واضح رہے کہ اس سے قبل سندھ طاس معاہدے پرثالثی عدالت نے پاکستان کے مؤقف کی تائید کی تھی۔ بھارت کا معاہدے کو یکطرفہ معطل کرنے کا اقدام درست نہیں تھا۔بھارت کا ثالثی عدالت کے کردار کو محدود کرنے کا اقدام درست نہیں تھا۔

ثالثی عدالت نے اپنے فیصلے میں کہاتھا کہ سندھ طاس معاہدے کے حوالے سے ثالثی عدالت کا کردار نمایاں تھا۔ عدالت نے سندھ طاس معاہدے کا بغور جائزہ لیا ہے اور سندھ طاس معاہدے میں کہیں بھی یکطرفہ طور پر اسے معطل کرنے کی شق شامل نہیں تھی۔بھارتی اقدام سے عدالت کی فیصلہ سازی کی حیثیت بالکل متاثر نہیں ہوتی تھی۔کسی فریق کے معاہدہ معطلی کے یکطرفہ فیصلے سے عدالت کارروائی نہیں روکے گی۔

عدالت سندھ طاس معاہدے پر فیصلہ سازی جاری رکھے گی۔ عدالت نے سندھ طاس معاہدے کا بغور جائزہ لیا۔ثالثی عدالت کے فیصلے میں یہ بھی کہا گیا ہے کہ سندھ طاس معاہدے کے حوالے سے ثالثی عدالت کا کردار نمایاں تھا۔فیصلے میں کہا گیاہے کہ سندھ طاس معاہدے میں یکطرفہ طور پر اسے معطل کرنے کی شق شامل نہیں۔ سندھ طاس معاہدے کا اطلاق معطل کرنے کے متفقہ فیصلے کے بغیر جاری رہے گا۔ بھارت یکطرفہ طور پر کسی بھی مسئلے کے حل کیلئے ثالثی کارروائی کو روک نہیں سکتا،۔مسائل کے حل میں ثالث کے کردار کو روکنے کی کوشش تنازعات کے حل کی لازم شق کی خلاف ورزی تھی۔