Live Updates

عمران خان کے بیٹوں کو آنے سے حکومت کیوں روکے گی؟، پی ٹی آئی کو 9 مئی یا 26 نومبر دوبارہ برپا کرنے کی اجازت نہیں دی جائیگی، خواجہ آصف

بانی پی ٹی آئی کے بیٹے پاکستان آنے کیلئے وزٹ، اجازت اور شرائط پوری کرکے آ سکتے ہیں، وہ فیصلہ کر رہے ہیں تو بالکل پاکستان آئیں، ہمارا مؤقف صرف یہ ہے کہ پی ٹی آئی تشدد کی طرف رجوع نہ کرے، وزیر دفاع کی گفتگو

فیصل علوی بدھ 30 جولائی 2025 15:06

عمران خان کے بیٹوں کو آنے سے حکومت کیوں روکے گی؟، پی ٹی آئی کو 9 مئی یا ..

اسلام آباد(اردوپوائنٹ اخبار تازہ ترین۔30جولائی 2025)وزیر دفاع خواجہ آصف کا کہنا ہے کہ بانی پی ٹی آئی عمران خان کے بیٹوں کو آنے سے حکومت کیوں روکے گی، پاکستان آنے کیلئے وزٹ، اجازت اور شرائط پوری کرکے آسکتے ہیں، میں نے میڈیا پر ہی پڑھا ہے کہ والد نے منع کیا کہ وہ نہ آئیں،جیو نیوز سے گفتگو کرتے ہوئے وزیر دفاع نے کہا کہ احتجاج کرنا سیاسی جماعتوں کا حق ہوتا ہے انہیں اس کی اجازت ہو گی۔

اگر پی ٹی آئی چاہتی ہے کہ 9 مئی یا 26 نومبر پھر برپا کرے تو اس کی اجازت نہیں دی جائے گی۔انہوں نے کہا کہ اگر بانی پی ٹی آئی کے بیٹے فیصلہ کر رہے ہیں تو بالکل پاکستان آئیں۔ ہمارا مؤقف صرف یہ ہے کہ پی ٹی آئی تشدد کی طرف رجوع نہ کرے۔ وزیر دفاع خواجہ آصف نے بانی پی ٹی آئی عمران خان کی جانب سے بیٹوں کو پاکستان آنے سے روکنے کے عمل کو ڈرامہ قرار دے دیا۔

(جاری ہے)

ان کاکہناتھاکہ بانی پی ٹی آئی کا کوئی عمل سیاسی یا مالی منافع کے بغیر نہیں ہوتا، وزیر دفاع خواجہ آصف نے بانی پی ٹی آئی عمران خان کی جانب سے بیٹوں کو پاکستان آنے سے روکنے کے عمل کو ڈرامہ قرار دے دیا۔ بانی پی ٹی آئی کا کوئی عمل سیاسی یا مالی منافع کے بغیر نہیں ہوتا، بہت سے ڈراموں میں سے یہ بھی ایک ڈرامہ تھا۔ مقصد والد اور اولاد کی ملاقات نہیں سیاسی منافع تھا۔

قربانیوں کے لیے اولاد بھی دوسروں کی اور مال بھی دوسروں کا، تاریخ میں اس سے بڑی نوسر بازی شاید ہی کسی نے کی ہو۔ بہت سے ڈراموں میں سے یہ بھی ایک ڈرامہ تھا۔ان کا مقصد والد اور اولاد کی ملاقات نہیں سیاسی منافع تھا۔قربانیوں کیلئے اولاد بھی دوسروں کی اور مال بھی دوسروں کا، تاریخ میں اس سے بڑی نوسر بازی شاید ہی کسی نے کی ہو۔پاک بھارت جنگ کے حوالے سے بھارتی وزیر اعظم نریندر مودی کے بیان پر ردعمل میں خواجہ آصف نے کہا کہ نریندر مودی کی ناؤ اب ڈوب چکی ہے۔

پاکستان نے مودی کی ساکھ مٹی میں ملادی۔ بھارتی وزیراعظم اب بین الاقوامی مذاق بن چکے ہیں۔ نریندر مودی عالمی سطح پر رل گیا جس سے گلے ملتا ہے وہ گلے نہیں ملتے۔ کسی کو ہاتھ ملاناچاہتا ہے وہ ہاتھ نہیں ملاتے۔ نریندر مودی اب بین الاقوامی مذاق بن چکا ہے۔ نریندرمودی کی باتوں کو اب سنجیدہ نہیں لینا چاہیے۔وزیر دفاع نے کہا کہ بھارتی پارلیمنٹ میں نریندر مودی کو شرمندگی کا سامنا کرنا پڑا۔ بھارتی میڈیا اور فوج خود کہہ رہی ہے کہ جہاز گرے۔ اب نریندر مودی کو بھی مان لینا چاہیے۔ نریندر مودی کا سورج غروب ہو چکا اور سیاسی ساکھ ختم ہو چکی۔