افغانستان سے ہمارے بچوں کے خون سے ہولی کھیلنے دہشت گرد آتے ہیں.وزیر دفاع

ہم نے افغانستان کے لئے جنگیں لڑیں، اپنا امن اور اپنی معیشت تباہ کر ‘ لی لاکھوں شہید ہوگئے.خواجہ آصف کی ایکس پر پوسٹ

میاں محمد ندیم بدھ 10 ستمبر 2025 15:18

افغانستان سے ہمارے بچوں کے خون سے ہولی کھیلنے دہشت گرد آتے ہیں.وزیر ..

اسلام آباد(اردوپوائنٹ اخبارتازہ ترین-انٹرنیشنل پریس ایجنسی۔10 ستمبر ۔2025 )وزیر دفاع خواجہ آصف نے کہا ہے کہ افغانستان سے ہمارے بچوں کے خون سے ہولی کھیلنے طالبان اورافغان شہری آتے ہیں،اتنی محسن کشی کبھی نہیں ہوئی۔

(جاری ہے)

سوشل میڈیا ایکس پر اپنی پوسٹ میں وزیر دفاع نے کہا کہ آج پاک فوج نے پھر اپنے ایک بہادر بیٹے کو وطن پہ قربان کیا شہید کی والدہ کا کہنا تھا میرے 10 بیٹے ہوتے تو وہ پاکستان کی ناموس پر قربان کردیتی ، بہنیں اور بیوی دکھ میں ڈوبی تھیںوالد کو گلے لگایا تو وہ کہنے لگے میں مضبوط ہوں، میرا بیٹا میرا فخر ہے. انہوں نے کہا کہ میجر عدنان برطانیہ کی رائل ملٹری اکیڈمی سینڈھرسٹ کے گریجویٹ تھے کون لوگ ہیں یہ جن کا نصب العین وطن سے محبت اور شہادت ہے نہ اقتدار نہ دولت نہ شہرت ہے اللہ نے اس پاک دھرتی کو انکے طفیل اپنی پناہ میں رکھا ہوا ہے انکی جانوں کے صدقے ہمیں بھارت پہ فتح دی ہے. خواجہ آصف کا کہنا تھا کہ 5 دہشت گردوں میں تین افغانی اور دو ٹی ٹی پی کے تھے انہوں نے کہا کہ ہم نے جن کے لئے دو طویل جنگیں لڑیں، اپنا امن اور اپنی معیشت تباہ کر لی لاکھوں شہید ہو گئے ساٹھ ‘ ستر لاکھ افغان ہمار ی دھرتی پہ موجود ہیں ہماری پناہ میں ہیں، روزی کما رہے ہیں، بڑے بڑے ٹرانسپورٹر اور ارب پتی ٹھیکیدار ہیں اور افغان سر زمین سے ہمارے بچوں کے خون سے ہولی کھیلنے طالبان دہشت گرد اور افغان شہری آتے ہیں دنیا کی تاریخ میں اتنی محسن کشی کبھی نہیں ہوئی.