طاقتور ممالک اپنی معیشت کو مضبوط کرنے اور اثر و رسوخ بڑھانے کے لیے کمزور ممالک پر دھاوا بول رہے ہیں،ان کے وسائل پر قبضہ کرنا چاہتے ہیں،علامہ راشدسومرو

(جاری ہے)

انہوں نے کہا کہ عالمی استعمار کی سازشیں برسوں سے جاری ہیں اور اسرائیل کی جانب سے فلسطین کے بعد لبنان پر حملہ اس کی واضح مثال ہے، ان کا کہنا تھا کہ اقوام متحدہ طاقتور ممالک کے زیر اثر ہے جبکہ جاری کشیدگی کے نتائج نہ امریکہ کے مفاد میں ہوں گے اور نہ ایران کے، انہوں نے کہا کہ اس صورتحال میں پاکستان، ترکی، سعودی عرب اور قطر کا کردار قابل تحسین ہے، علامہ سومرو نے کہا کہ اگر حرمین شریفین یا پاکستان کی طرف میلی آنکھ سے دیکھا تو اربوں مسلمان اور جے یو آئی کے کارکنان ان کے عزائم خاک میں ملا دیں گے، انہوں نے 2018 اور 2024 کے انتخابات کو مسترد کرتے ہوئے کہا کہ موجودہ اسمبلیاں عوام کی حقیقی نمائندہ نہیں بلکہ فارم47 کی پیداوار ہیں اس لیے شفاف اور ازسرنو انتخابات ناگزیر ہیں، انہوں نے امریکہ اور ایران کے درمیان مذاکرات میں تعطل ختم کرنے پر زور دیتے ہوئے کہا کہ آبنائے ہرمز کی ناکہ بندی کے معاملے پر ایران کے مطالبات کو سنجیدگی سے لیا جائے اور ایران کے مطالبات کو تسلیم کیا جائے، انہوں نے اعلان کیا کہ جے یو آئی سکھر میں مارچ 2027کو عالمی امن کانفرنس منعقد کرے گی جس میں لاکھوں افراد کی شرکت متوقع ہے اور دنیا بھر کے ممالک کو دعوت دی جائے گی، ان کا کہنا تھا کہ سندھ میں وسائل اور جزائر کے سودے ہو رہے ہیں، میرٹ کا قتل عام جاری ہے، اسپتالوں میں علاج، اسکولوں میں تعلیم اور شہروں میں صاف پانی تک میسر نہیں، انہوں نے کہا کہ پولیس موبائلز میں منشیات اور اسلحہ کی سپلائی ہو رہی ہے جبکہ عوام بدترین حالات کا شکار ہیں، انہوں نے کہا کہ ہمارے حکمران آئی ایم ایف کے غلام ہیں مان لو کہ آپ غلام ہیں آپ اپنی داخلہ و خارجی پالیسی خود نہیں بنا سکتے، عام دنوں میں پیٹرول کی کمی ایران سے تیل لیکر پوری کی جارہی تھی حالات خراب ہوئے اور آبنائے ہرمز بند ہوا اور امریکی صدر نے کہا کہ پاکستان کا جھنڈا لگائے 10 جہاز آبنائے ہرمز سے گزرے اگر 10 جہاز پاکستان کا جھنڈا لگا کر واشنگٹن پہنچ سکتے ہیں تو وہ جہاز ایران سے پاکستان کیوں نہیں آسکتے سستی قیمت پر عوام کو تیل کیوں مہیا نہیں کیا جاتا حکمران ایران سے سستا تیل لینے کی ہمت نہیں کرسکتے، حکمرانوں نے اپنے اختیارات کو آئی ایم ایف کی لونڈی بنایا ہوا ہے، حکمران جب جعلی ہونگے اور دھونس دھاندلی والے ہونگے تو وہ غلامی ہی کریں گے جب حقیقی حکمران آئیں گے تو تبدیلی آئے گی، علامہ راشد محمود سومرو نے سابق نمائندوں کے خلاف کارروائیوں کی مذمت کرتے ہوئے غلام مرتضیٰ جتوئی پر مقدمہ ختم کرنے کا مطالبہ کیا اور کہا کہ حقوق کی جدوجہد کرنے والوں کو نشانہ بنانا قابل قبول نہیں، انہوں نے میرپورخاص میں خودکشی کرنے والی طالبہ کے واقعے کی شفاف تحقیقات اور ملوث افراد کی گرفتاری کا بھی مطالبہ کیا، انہوں نے کہا کہ حکمران آئی ایم ایف کے زیر اثر ہیں اور آزادانہ پالیسیاں بنانے کی صلاحیت نہیں رکھتے، انہوں نے کہا کہ عالمی سطح پر جاری جنگ کے تباہ کن نتائج سامنے آئیں گے اور یہ کسی کے مفاد میں نہیں تاہم طاقتور قوتوں کے خلاف ڈٹ کر کھڑے ہونے والوں کی جرات قابل تحسین ہے۔