پشاور زلمی پانچ بار پاکستان سپر لیگ کے فائنل میں پہنچی ،2 بار ٹائٹل اپنے نام کیا

بابر اعظم کی قیادت میں 2026 ،ڈیرن سیمی کی قیادت میں 2017 میں چمپئن بنی

پیر 4 مئی 2026 00:10

لاہور(اُردو پوائنٹ اخبارتازہ ترین - این این آئی۔ 04 مئی2026ء) پشاور زلمی پانچ بار پاکستان سپر لیگ کے فائنل میں پہنچی جبکہ اس نے 2 بار ٹائٹل اپنے نام کیا ۔بابر اعظم کی قیادت میں 2026 اور ڈیرن سیمی کی قیادت میں 2017 میں چمپئنبنی۔ 5 مارچ 2017 کو قذافی اسٹیڈیم میں ڈیرن سیمی کی قیادت میں پشاور زلمی نے کوئٹہ گلیڈی ایٹرز کو 58 رنز سے شکست دے کر چمپئن بنی تھی۔

(جاری ہے)

2018 میں پشاور زلمی دوسری بار فائنل میں پہنچی لیکن نیشنل اسٹیڈیم کراچی میں 25 مارچ کو اسلام آباد یونائیٹڈ نے 3 وکٹ سے کامیابی حاصل کی۔ 17 مارچ 2019 کو پشاور زلمی نے تیسری بار فائنل کھیلا، نیشنل اسٹیڈیم کراچی میں کوئٹہ گلیڈی ایٹرز نے 8 وکٹ سے فتح حاصل کی۔ پشاور زلمی نے چوتھی مرتبہ پی ایس ایل کا فائنل شیخ زید کرکٹ اسٹیڈیم ابوظبی میں کھیلا تھا جہاں ملتان سلطانز نے اسے 24 جون 2021 کو 47 رنز سے شکست دی تھی۔ پانچویں مرتبہ پشاور زلمی نی3 مئی 2026 کو حیدرآباد کنگزمین کے خلاف فائنل کھیلا اور پشاور زلمی نے حیدرآباد آباد کنگز مین کو 5 وکٹوں سے شکست دی ۔