معرکہ حق پاکستان کی عسکری تاریخ کا روشن باب ہے، کرم اللہ وقاصی

کراچی (اُردو پوائنٹ اخبارتازہ ترین - این این آئی۔ 08 مئی2026ء) میئر کراچی کے ترجمان اور کراچی میٹروپولیٹن کارپوریشن میں پاکستان پیپلز پارٹی کے پارلیمانی لیڈر کرم اللہ وقاصی نے کہا ہے کہ پاکستان پیپلز پارٹی کراچی‘‘معرکہ حق’’کی تاریخی کامیابی کے ایک سال مکمل ہونے پر کل 9 مئی بروز ہفتہ شام 5 بجے سی ویو کراچی پر ایک عظیم الشان جشن کا انعقاد کررہی ہے جس میں پارٹی کارکنان، عہدیداران، نوجوانوں، خواتین اور مختلف شعبہ ہائے زندگی سے تعلق رکھنے والے شہری بڑی تعداد میں شرکت کریں گے۔

انہوں نے شہریوں سے اپیل کی کہ وہ اس قومی جذبے سے بھرپور تقریب میں شریک ہو کر افواجِ پاکستان اور شہداء کو خراجِ تحسین پیش کریں۔ترجمان میئر کراچی کرم اللہ وقاصی نے کہا کہ‘‘معرکہ حق’’پاکستان کی عسکری تاریخ کا روشن باب ہے جس نے دنیا پر واضح کر دیا کہ پاکستان کی سالمیت، خودمختاری اور دفاع ناقابلِ تسخیر ہے۔

(جاری ہے)

انہوں نے کہا کہ پاک فوج، پاک بحریہ اور پاک فضائیہ کے بہادر جوانوں نے اپنی جرات، قربانی اور پیشہ ورانہ مہارت سے دشمن کے ناپاک عزائم خاک میں ملا دیے اور ثابت کر دیا کہ پاکستانی قوم اپنی مسلح افواج کے شانہ بشانہ متحد کھڑی ہے۔

انہوں نے کہا کہ ازلی دشمن یہ سمجھتا تھا کہ پاکستان کو کمزور کیا جا سکتا ہے یا قوم کے حوصلے پست کیے جا سکتے ہیں، مگر معرکہ? حق نے دشمن کے تمام اندازے غلط ثابت کر دیے۔ پاکستانی قوم نے ہر محاذ پر اتحاد، حوصلے اور حب الوطنی کا مظاہرہ کیا اور ملک کا بچہ بچہ افواجِ پاکستان کے ساتھ سیسہ پلائی دیوار بن کر کھڑا رہا۔ترجمان میئر کراچی کرم اللہ وقاصی نے کہا کہ پاکستان نے کسی جارحیت کا آغاز نہیں کیا بلکہ قومی دفاع اور سلامتی کے تقاضوں کے تحت دشمن کو بھرپور اور مو?ثر جواب دیا۔

انہوں نے کہا کہ یہ جدوجہد کسی خواہش کا نتیجہ نہیں بلکہ قومی ذمہ داری تھی، جس میں پوری قوم نے اپنے اداروں کے ساتھ مکمل یکجہتی کا اظہار کیا۔ ان کا کہنا تھا کہ موجودہ حالات غرور یا غفلت نہیں بلکہ تدبر، اتحاد اور قومی ذمہ داری کا تقاضا کرتے ہیں۔انہوں نے کہا کہ معرکہ? حق میں پاک فوج نے دشمن کو منہ توڑ جواب دے کر پوری قوم کا سر فخر سے بلند کر دیا اور یہ کامیابی قوم کیلئے عید سے کم نہیں۔

پاکستان ایک مضبوط، خودمختار اور باوقار ملک ہے اور کوئی طاقت اسے میلی آنکھ سے نہیں دیکھ سکتی۔ انہوں نے کہا کہ پوری قوم اپنے بہادر سپاہیوں کی قربانیوں، جرات اور دفاع وطن کیلئے دی جانے والی خدمات پر فخر کرتی ہے۔ترجمان میئر کراچی کرم اللہ وقاصی نے کہا کہ شہید ذوالفقار علی بھٹو نے پاکستان کو ایٹمی طاقت بنا کر ملکی دفاع کو ناقابلِ تسخیر بنایا جبکہ شہید محترمہ بینظیر بھٹو نے میزائل ٹیکنالوجی کی بنیاد رکھ کر دفاعی نظام کو مزید مضبوط کیا۔

انہوں نے کہا کہ پاکستان پیپلز پارٹی ہمیشہ قومی سلامتی، جمہوریت اور عوامی طاقت کی علامت رہی ہے اور ملک کے دفاع کیلئے ہر سطح پر اپنا کردار ادا کرتی رہے گی۔انہوں نے وطن کے دفاع کیلئے جانوں کا نذرانہ پیش کرنے والے شہداء کو زبردست خراجِ عقیدت پیش کرتے ہوئے کہا کہ شہداء پوری قوم کا فخر ہیں اور ان کی قربانیاں ہمیشہ تاریخ میں سنہری حروف سے لکھی جائیں گی۔ انہوں نے کہا کہ معرکہ? حق کی کامیابی قومی اتحاد، عوامی حوصلے اور مسلح افواج کی بے مثال قربانیوں کا نتیجہ ہے، جس پر پوری قوم اپنی افواج کو سلام پیش کرتی ہے۔