متحدہ اپوزیشن کی جانب سے کراچی ،پشاور ائرپورٹ پر حملوں کیخلاف سینٹ سے احتجاجاً ٹوکن واک آوٹ ،اپوزیشن کا حکومتی وزراء کے غیر تسلی بخش جوابات پر سینٹ میں شدید احتجاج،ان واقعات پرکمیشن بنانے کا مطالبہ
اسلام آباد(اُردو پوائنٹ اخبار آن لائن۔1جولائی۔2014ء) متحدہ اپوزیشن کی جانب سے کراچی ،پشاور ائرپورٹ پر حملوں کیخلاف سینٹ سے احتجاجاً ٹوکن واک آوٹ کیا گیا ۔ اپوزیشن نے حکومتی وزراء کے غیر تسلی بخش جوابات پر سینٹ میں شدید احتجاج کیا اور ان واقعات پرکمیشن بنانے کا مطالبہ کیا ۔ پیر کے روز سینٹ کا اجلاس ڈیڑھ گھنٹہ تاخیر سے شروع ہوا اور سینیٹر زاہد خان کے احتجاج پر وزیر مملکت برائے پارلیمانی امور شیخ آفتاب نے کہا کہ کراچی ائرپورٹ کے واقعہ کا وزیراعظم نواز شریف نے سخت ایکشن لیا ہے وفاقی حکومت اس معاملے کی انکوائری کا حکم دیں اے ایس ایف میں بھرتیاں کرینگے پشاور اور کراچی ائرپورٹ کے حقائق منظر عام پر لائیں گے چونکہ صوبائی معاملہ ہے اس لیے سندھ اور کے پی کے کی حکومتوں سے وفاق ان واقعات پر رابطہ میں ہیں ایم ڈی پی آئی اے اور سول ایوی ایشن کے آئی جیز کو ہدایت کی گئی ہے کہ وہ انکوائری کریں قوم کو ان واقعات پر تنہا نہیں چھوڑیں گے وزیرمملکت برائے داخلہ بلیغ الرحمان نے کہا کہ ان دونوں واقعات سے قوم میں سخت تشویش پائی جاتی ہے لاء اینڈ آرڈر کو حکومت بہتر بنائے گی سکیورٹی پلان ازسرنو مرتب کررہے ہیں تحفظ پاکستان اس لیے لایا جارہا ہے کہ آئین اور قانون کی حکمرانی قائم کریں کوئی شخص قانون سے بالاتر نہیں ہے سینٹ میں ڈپٹی اپوزیشن لیڈر سینیٹر رضا ربانی نے کہا کہ حکومت کے دو وزراء کے بیانات غیر تسلی بخش ہیں ایوان ان جوابات سے مطمئن نہیں ہے حکومت نے کیا جامع انتظامات کئے ہیں لوگوں کے جان ومال کو تحفظ دینے کے لیے کیا اقدامات کئے ہیں غیر تسلی بخش جوابات دیں ہم وزراء کے جوابوں سے مطمئن نہیں ہیں قومی سلامتی کی پالیسی کی طرح یہ بیانات بھی معنی نہیں رکھتے ۔
(جاری ہے)
مزید متعلقہ خبریں پڑھئیے :
