پاکستان بلائنڈ کرکٹ کونسل نے 18کھلاڑیوں کے سینٹرل کنٹریکٹ کا اعلان کردیا ،سینٹرل کنٹریکٹ جولائی 2014ء سے دسمبر 2014ء تک چھ ماہ کیلئے ہوگا جسے تین کیٹگری میں تقسیم کیا گیا ہے ، اے کیٹگری میں ہر کھلاڑی کو 12ہزار روپے ، بی کیٹگری میں 10ہزار جبکہ سی کیٹگری میں شامل کھلاڑیوں کو 8ہزار روپے ماہانہ معاوضہ ملے گا، مستقبل میں کارکردگی کی بنیاد پر کیٹگری میں تبدیلی بھی کی جاسکتی ہے ، سلطان شاہ
لاہور(اُردو پوائنٹ اخبار آن لائن۔22جولائی۔2014ء)پاکستان بلائنڈ کرکٹ کونسل نے 18 کھلاڑیوں کے لئے سینٹرل کنٹریکٹ کا اعلان کردیا ،سینٹرل کی معیاد چھ ماہ ہے جو جولائی 2014ء سے دسمبر 2014ء تک ہوگی ،تین کیٹگری میں تقسیم کئے گئے سینٹرل کنٹریکٹ میں اے کیٹگری میں ہر کھلاڑی کو 12ہزار روپے ، بی کیٹگری میں 10ہزار جبکہ سی کیٹگری میں شامل کھلاڑیوں کو 8ہزار روپے ماہانہ معاوضہ ملے گا ۔
(جاری ہے)
مستقبل میں اچھی کارکردگی نہ دکھانے والے کھلاڑیوں کی کیٹگری میں ردوبدل کیاجاسکتا ہے جبکہ اچھی کارکردگی دکھانے والوں کی بھی کیٹگری تبدیل ہوسکتی ہے ۔سینٹرل کنٹریکٹ حاصل کرنے والوں میں اے کیٹگری میں کپتان ذیشان عباسی ، محمد جمیل ، حنیف جاوید اور ہارون خان شامل ہیں جبکہ بی کیٹگری میں طارق ، نثار علی خان ، ظفر اقبال ، ادریس سلیم اور سی کیٹگری میں محمداکرم ، محمد وقاص ، بدر منیر ، اسرار الحسن محمد افضل محمد سلمان ، فصیح ذیشان ، محمد ایاز اور زاہد محمود شامل ہیں ۔
مزید متعلقہ خبریں پڑھئیے :
