بنگلا دیش، اپوزیشن لیڈر خالدہ ضیاء کے قافلے پر حملہ،صحافیوں سمیت متعدد افراد زخمی

منگل 21 اپریل 2015 07:59

ڈھاکا (اُردو پوائنٹ اخبارآن لائن۔21 اپریل۔2015ء) بنگلا دیش کی اپوزیشن لیڈر خالدہ ضیاء کے قافلے پر حملہ ہوا ،صحافیوں سمیت متعدد افراد زخمی ہو گئے ہیں۔ غیر ملکی خبر رساں ادارے کے مطابق بنگلا دیش کی اپوزیشن لیڈر خالدہ ضیاء انتخابی مہم کے سلسلے میں قافلے کے ہمراہ جا رہی تھیں کہ اچانک دھماکا ہو گیا۔

(جاری ہے)

دھماکے سے خالدہ ضیاء کی گاڑی سمیت متعدد گاڑیوں کو نقصان پہنچا۔

دہشتگردی کا یہ واقعہ بنگلا دیش کے مقامی وقت کے مطابق شام 6 بجے پیش آیا جب وہ اپنی گاڑی سے نکل کر ایک ریلی سے خطاب کر رہی تھیں۔ عینی شاہدین کا کہنا ہے کہ دہشتگردی کے واقعے میں صحافیوں سمیت متعدد افراد زخمی ہو گئے ہیں جنھیں فوری طور پر طبی امداد کیلئے ایمبیولینسوں کے ذریعے ہسپتال منتقل کیا گیا تاہم خالدہ ضیاء اس واقعے میں محفوظ رہیں۔