کمشنر کراچی کی طارق محبوب کی موت کی وجوہات جاننے کیلئے تفتیشی ٹیم بنانے کی یقین دہانی، سنی اتحاد کونسل نے10گھنٹے بعد دھرنا ختم کردیا
کراچی(اُردو پوائنٹ اخبارآن لائن۔21 اپریل۔2015ء)کمشنر کراچی شعیب احمد صدیقی نے سنی اتحاد کونسل کے رہنما طارق محبوب کی موت کی وجوہات جاننے کیلئے تفتیشی ٹیم بنانے کی یقین دہانی کرادی جس پر سنی اتحاد کونسل نے10گھنٹے بعد اتوار اور پیر کی درمیانی شب دھرنا ختم کردیاتفصیلات کے مطابق سنی اتحاد کونسل کے رہنما طارق محبوب کی سینٹرل جیل میں پراسرار ہلاکت پر انجمن نوجوانان اسلام کے کارکنوں نے ایم اے جناح روڈ پر کیپری سینما کے قریب دھرنا دیا تھا ،مظاہرین نے 10 گھنٹے تک دھرنا دینے کے بعد ریڈ زون کی جانب بڑھنے کی کوشش کی تاہم پولیس نے تبت سینٹر پر مظاہرین کو روک لیا اس موقع پر پولیس کے ساتھ مظاہرین کی جھڑپ بھی ہوئی جس میں کچھ کارکن معمولی زخمی بھی ہوئے جس کے بعد کمشنر کراچی شعیب احمد صدیقی کے ساتھ کامیاب مذاکرات کے نتیجے میں سنی اتحاد کونسل نے دھرنا ختم کرنے کا اعلان کیا، کمشنر کراچی نے یقین دلایا کہ طارق محبوب کی موت کی وجوہات معلوم کرنے کے لیے پولیس افسران پر مشتمل تفتیشی ٹیم کے علاوہ میڈیکل بورڈ بھی تشکیل دیا جائے گاجس کے بعد تمام شرکاء منتشر ہوگئے۔
(جاری ہے)
مزید متعلقہ خبریں پڑھئیے :
