ملک میں بجلی کا شارٹ فال چار ہزار میگا واٹ تک جا پہنچا،بجلی کی طلب 19 ہزار میگا واٹ ، شہروں میں چھ اور دیہاتوں میں آٹھ گھنٹے کی لوڈشیڈنگ کی جا رہی ہے ۔ وزارت پانی و بجلی

اتوار 28 جون 2015 07:46

اسلام آباد ( اُردو پوائنٹ اخبارآن لائن۔28 جون۔2015ء ) ملک میں بجلی کی طلب 19 ہزار میگاواٹ جبکہ شارٹ فال 4 ہزار میگاواٹ پر برقرار ہے۔ شہروں میں چھ اور دیہی علاقوں میں آٹھ گھنٹے کی لوڈشیڈنگ جاری ہے۔ وزارت پانی و بجلی کے ذرائع کا کہنا ہے کہ ملک میں بجلی کی طلب 19 ہزار جبکہ پیداوار 15 ہزار میگاواٹ ہے۔

(جاری ہے)

شارٹ فال چار ہزار میگا واٹ ہے تاہم گرمی میں اضافے کے ساتھ شارٹ فال بھی بڑھ سکتا ہے۔ شہروں میں چھ گھنٹے تک لوڈ شیڈنگ کی جا رہی ہے جبکہ دیہی علاقوں میں لوڈشیڈنگ کا دورانیہ آٹھ گھنٹے تک ہے۔ ذرائع کا کہنا ہے کہ جن علاقوں میں بجلی چوری ہو رہی ہے یا جہاں پر لائن لاسز کا تناسب زیادہ ہے وہاں پر لوڈ شیڈنگ بھی زیادہ کی جا رہی ہے