سوال : مجھے نوکری سے پہلے برطرف کیا گیا جھوٹے گواہ اور ثبوت سے میں نے کیس جیت لیا اور مجھے نوکری پر آگیا عدالت کے فیصلے سے عدالت نے ایک انکوائری فیصلے کے ساتھ لکھی کہ جھوٹے گواہوں کو اسکے سامنے پیش کریں گواہ پیش ہوئے اور جھوٹے ثابت ہوئے مگر انکوائری آفیسر نے پیسے کھا لیے اور گواہوں کا زکر گول کرکے مجھے اور الزام لگاکر جبری ریٹائرڈ کر دیا، میں دوبارہ عدالت گیا اور سپریم کورٹ تک گیا مگر مجھے بحال نہ کیا گیا اور نہ کوئی جرم ثابت ہوا ۔ اور مجھے لٹکا کر فیصلہ دیا گیا کہ میرا مسئلہ حل نہ ہو۔ آپ بتائیں کہ مجرم پکڑے جائیں گے میں دوبارہ اپنی نوکری پر بحال ہوں جاوں گا میر ے بچے چھوٹے ہیں اور مجھے دشمنی کا نشانہ بنایا گیا ہے۔

جواب : اسلام علیکم غائب کا علم صرف اللہ سبحان وتعالی کے پاس ہے-مشکلات اور پریشانیاں اور آزمائشیں بھی اللہ کی طرف سے آتی ہیں اللہ کو راضی کرلیں تمام مشکلات ‘تکالیف اور دکھ دور ہوجائیں گے‘ذہن نشین کرلیں کہ جوکچھ بھی ہوتا ہے وہ اللہ تعالی کی طرف سے ہی ہوتا ہے کیونکہ اسی کے قبضہ قدرت میں سب کچھ ہے- ذوالج کا مقدس ماہ چل رہا ہے ان میں راتوں کو جتنا قیام اور ذکر ممکن ہوکریں‘اگر زیادہ نہیں تو 7ذوالحج سے9ذوالحج تک روزے رکھ لیں‘ پانچ وقت نمازپڑھیں اور عشاءکی نمازکے وتر اور فجرکی نمازکی سنت میں التحیات میں دورشریف مکمل کرنے کے بعد مکمل یکسوئی کے ساتھ ”یا ارحم الرحمین“جتنی بار بھی ورد کرسکیں کرکے اللہ کے حضور عاجزی وانکساری کے ساتھ دعا مانگیں اور پھرنماز مکمل کرکے سلام پھیر لیں ‘سلام کے بعد کلمہ طیبہ کا ورد کرکے دعا مانگنے کے بعد سجدہ میں جاکر نبی کریمﷺ کی پسندیدہ دعا”یا حیی یا قیوم برحمتلک نستغیث“کا ورد حالت سجدہ میں کریں جتنا آپ کرسکیں ‘اس کے علاوہ چلتے ‘پھرتے ”اللہ علی کل شی قدیر“کا ورد کثرت سے کریں-انسان اپنی مرضی کی بجائے اس کی رضا مانگے تو اللہ وہ سب کچھ خود ہی عطاءفرمادیتے ہیں جس کا انسان طالب ہوتا ہے ‘اگر آپ اللہ کی رضا کے لیے تھوڑی مشقت اٹھانے کو تیار ہیں تو اللہ سبحان وتعالی آپ کو کبھی مایوس نہیں فرمائیں گے-ممکن ہوسکے تو جمعرات اور پیر کے دن روزہ رکھیں احادیث سے ثابت ہے کہ عموما نبی کریمﷺ جمعرات اورپیر کے دن نفلی روزہ رکھتے تھے اس لیے آئمہ کرام بھی پیر کے دن روزے کو افضل مانتے ہیں-انشاءاللہ جو آپ کے حق میں بہتر ہوگا اللہ سبحان وتعالی کرم فرمادیں گے-مزید راہنمائی کے لیے آپ [email protected] پر رابط کرسکتے ہیں-جزاک اللہ