Monthly Libra Horoscope in Urdu

اکتوبر 2018: اگر تمام تر کوششوں کے باوجود آپ کو اپنی کامیابی کافی دور نظر آتی ہے تو دل برداشتہ نہ ہوں ۔ صبر ے ساتھ کوشش جاری رکھیں۔ اگر آپ نے صبر پر عبور حاصل کر لیا تو گویا ہر چیز پر عبور حاصل کر لیا۔ دراصل ہر کامیابی کی ایک قیمت ہوتی ہے، بس آپ وہ قیمت ادا کر دیں۔
قدرت کے کچھ بنیادی قوانین ہیں، اگر آپ ان کی پابندی کریں گے تو تھوڑی محنت کے ساتھ بھی ایک دن ضرور کامیاب ہو جائیں گے ۔ لیکن اگر آپ نے ان قوانین کو فالو نہ کیا تو جتنی مرضی محنت کر لیں، آپ منزل پر نہیں پہنچ سکیں گے، اور آپکی محنت ضائع ہو جائیں گی۔
اگر آپ زیادہ خوشی ، زیادہ دولت اور زیادہ کامیابی حاصل کرنا چاہتے ہیں تو اپنی زندگی کے مقصد اور اہداف کا تعین ضرور کر لیجئے۔ زندگی میں مقصد کی اہمیت اتنی زیادہ ہے کہ جو لوگ خود کشی کرتے ہیں، وہ یہ انتہائی دم اس لئے اٹھاتے ہیں کیونکہ انھیں اپنی زندگی میں کوئی مقصد نظر نہیں آتا۔ مقصد کا ہی دوسرا نام زندگی ہے۔
گھر میں کسی مناسب جگہ پر پرندوں کے لئے پانی اور باجرہ کا انتظام کریں۔ اس سے آپ کے رُکے ہوئے کام بھی ہو جائیں گے۔
یاد رکھیں کہ صدقہ بے شمار مصیبتوں سے آپ کو بچا سکتا ہے، جس میں ناگہانی موت بھی شامل ہے۔