Weekly Virgo Horoscope in Urdu

9 ستمبر تا 15 ستمبر: دُکھ دوسروں کے ساتھ چیئر کرنے سے کم ہوتے ہیں، جبکہ خوشیاں شیئر کرنے سے بڑھتی ہیں۔ لوگوں کے ساتھ اپنے مسائل ڈسکس کریں، آپ کو مفید مشورے ملیں گے، مخلص لوگ آپ کی عملی مدد کے لئے بھی تیار ہو جائیں گے۔ ٹھیک ہے آپ اپنی ذات میں ایک جزیرہ ہیں، لیکن آپ اُ س سمدر کا حصہ بھی تو ہیں جس میں اور بھی چھوٹے چھوٹے جزیرے موجود ہیں۔
کامیابی کے لئے باپ ہوتے ہیں، جبکہ ناکامی یتیم ہوتی ہے۔ ہر شخص کامیاب آدمی کی طرف ہی دوستی کا ہاتھ بڑھاتا ہے۔ یہی دنیا کا اصول ہے ۔ آپ کو چاہیے کہ اپنی کامیابی کے لئے پلاننگ کریں اور پھر کام پر جُٹ جائیں ۔کوئی قوت آ پ کو کامیاب ہونے سے نہیں روک سکتی۔
آپ جس طرح کے لوگوں میں بیٹھیں گے، اُن کی خوبیوں یا خامیوں کا کچھ حصہ لازمی طور پر آپ کی شخصیت کا حصہ بن جائے گا۔پرفیوم کی دکان پر بیٹھنے سے خود بخود آپ سے خوشبو آنا شروع ہو جائے گی، جبکہ کوئلے کی دکان پر بیٹھنے سے خود بخود آپ کے کپڑوں پر سیاہ نشان لگ جائیں گے۔ اس کی وجہ یہ ہے کہ ہر انسان کے گرد، اُس کی اچھائی یا برائی کے مطابق انرجی کا ایک حلقہ ہوتا ہے، جسے اورا(Aura) کہتے ہیں۔ یہ انرجی اُس کے پاس بیٹھنے والے دوسرے انسانوں کو متاثر کرتی ہے۔
کچھ لوگ زندگی میں صرف اس لئے آتے ہیں کہ اُن جیسے دوسرے لوگوں سے بچاجائے۔
آپ کو صدقہ و خیران کرنے کی ضرورت ہے۔ اس سے دوسروں کا بھی فائدہ ہو گا اور آپ کی بھی مشکلات کم ہوں گی۔