- Home
- Islam
- Prayer Timings
- Ramadan
- Quran Kareem
- Hadith
- Hajj/Umrah
- Muslim Calandar
- Islamic Info
-
Naats
- Famous Naat Khawan
- Atif Aslam Naats
- Junaid Jamshed Naats
- Amir Liaquat Hussain Naats
- Abdul Rauf Rufi Naats
- Siddique Ismail Naats
- Yousaf Memon Naats
- Shehbaz Qamar Fareedi Naats
- Amjad Sabri Naats
- Khursheed Ahmed Naats
- Marghoob Hamdani Naats
- Waheed Zafar Qasmi Naats
- Owais Raza Qadri Naats
- Fasih Ud Din Soherwardi Naats
- Sami Yusuf Naats
- Listen Urdu Naats
- Arabic Naats MP3
- 12 Rabi-ul-Awal Naats MP3
- More
Insaaniyat Ki Falah Ke Liye Aik Ho Jaien ! - Article No. 3058
انسانیت کی فلاح کیلئے ایک ہوجائیں ۔۔تحریر:اختر سردار چودھری - تحریر نمبر 3058
انسانیت کیا ہے؟ ۔لوگوں کے دکھوں کو اپنا دکھ سمجھنا ۔ان کے دکھ کا مداوا کرنا ۔اور ایسا بلا تفریق مذہب ،قوم ،رنگ، نسل ،زبان کے کرنا ۔ایک انسان کا دوسرے انسان سے انسانیت کا رشتہ ہے
اختر سردارچودھری پیر 18 مارچ 2019
(جاری ہے)
ہٹلر نے جو یہودیوں سے جو کیا وہ اب یہودی شیطانیت کا لباس پہن کر کشمیر، فلسطین اور شام میں کر رہے ہیں ۔
رنج والم اور خون خرابے میں ڈوبی یہ تاریخ بتاتی ہے کہ ہمارے معاشروں میں شیطان کے بھٹکائے ہو ئے لوگ گھسے ہوئے ہیں ۔جس وجہ سے انسان کی انسان سے دوریاں بڑھ رہی ہیں۔ بسکہ دشوار ہے ہر کام کا آساں ہونا آدمی کو بھی میسر نہیں انساں ہونا یہ حقیقت ہے کہ انسانیت ہر جگہ محبت،الفت ،ہمدردی ،ایک دوسرے کے کام آنے، امن ،بھائی چارہ اور ہم آہنگی سے جڑی ہوئی ہے ۔ انسانیت کیا ہے؟ ۔لوگوں کے دکھوں کو اپنا دکھ سمجھنا ۔ان کے دکھ کا مداوا کرنا ۔اور ایسا بلا تفریق مذہب ،قوم ،رنگ، نسل ،زبان کے کرنا ۔ایک انسان کا دوسرے انسان سے انسانیت کا رشتہ ہے ۔جیسے رہبر انسانیت ﷺ نے یوں بیان کیا کہ ”تم سب آدم علیہ السلام کی اولاد ہو اور آدم علیہ السلام مٹی سے بنائے گئے تھے ۔“ ہم اپنے ارد گرد دیکھیں تو علم ہوتا ہے کہ انسانوں میں انسانیت خوابیدہ ہے ،اکثریت کے دل مردہ ہو چکے ہیں،مردہ ہی نہیں انسانوں کے دل پتھر ہو چکے ہیں ۔بلکہ اس سے بھی سخت ہو چکے ہیں ۔انسان کا دل تو نرم ہوتا ہے وہ دوسرے کے دکھ پر تڑپ جاتا ہے ۔لرزجاتا ہے ۔تعمیر انسانیت کے لیے انسان کے دل میں درد کا ہونا ضروری ہے ۔دل کا نرم اورزندہ ہونا ضروری ہے۔ دردِ دل کے واسطے ہی پیدا کیا انسان کو۔خدمت خلق ہی معراج انسانیت ہے ۔انسان تو وہ ہے ،جو اللہ کے بندوں اور اپنے بھائیوں اور دوسرے انسانوں کے لئے جیتا ہو۔ ان کی سردی گرمی ،بھوک پیاس ،دکھ غم میں شریک ہوتا ہو ۔ فرشتے سے بڑھ کر ہے انسان بننا مگر اس میں لگتی ہے محنت زیادہ یہ بات حتمی ہے کہ صرف وہ ہی دوسرے انسانوں کے لیے فائدہ مند ہو سکتا ہے جیسے آخرت کا خوف ہو ۔اسی طرح صرف وہ دین یا مذہب ہی دین انسانیت کہلانے کا مستحق ہے جو ہمہ گیر اور آفاقی ہو۔اسلام ایک امن پسند، فطرت سے ہم آہنگ دین ہے صرف اسلام کو ہی دین انسانیت کہا جاتاہے ۔ اسلام میں انسانی حقوق کی اہمیت اور اس کا احترام جتنا ہے شاید ہی کسی مذہب میں اس کا عشر عشیر پایا جاتا ہو۔دین اسلام کے خلاف اس کا اصل چہرہ چھپانے کے لیے عالمی پروپیگنڈہ شیطانیت کے ماننے والوں کی بھرپور سازشوں کے طفیل افواہیں حقائق کی شکل اختیار کرچکے ہیں اور اسے دنیا کی اکثریت سچاہی یا سچ جیسا تسلیم کرنے لگی ہے ۔انسان اور انسان کے دوسروں انسانوں سے رشتے، ناطوں ،لین دین کا مکمل نظام اسلام نے دیا ہے ۔بھوکے کو کھانا کھلانے ،پیاسے کو پانی پلانے ، بیماروں کی عیادت اوراس کی مزاج پرسی،ظالم کو ظلم سے روکنے ،سچی گواہی دینے وغیرہ جیسے احکام اسلام کے ہیں یہاں تک کہ ”جس نے بھوکوں کو کھانا کھلایا، پیاسے کو پانی پلایا اور بیمار کی عیادت کی گویا اس نے اللہ کو کھلایا اللہ کو پلایا اور اللہ کی عیادت کی“(مشکوٰة شریف) اسلام نے یہ درس مذہب سے بلند ہوکر دیا اور مسلم اور غیرمسلم کی کوئی تفریق نہیں کی۔یہ ایسی سچائیاں ہیں جن کا انکار یا جن کو نظر انداز کوئی اندھا اور کورچشم ہی کرسکتا ہے ۔ دنیا پہ ایسا وقت پڑے گا کہ ایک دن انسان کی تلاش میں انسان جائے گا ارشاد نبوی ﷺ ہے ”ساری مخلوق اللہ کا کنبہ ہے ، اور سب سے زیادہ اللہ کا محبوب بندہ وہ ہے جو اللہ کے کنبے کو نفع پہنچائے “۔جس نے کسی جان کو قتل کیا نہ جان کے بدلے نہ زمین پر کسی مجرمانہ سورش کی بناء پر تو گویا اس نے قتل کرڈالا سب لوگوں کو (المائدہ) قرآن کا یہ منشور اسلام کی انسانیت پسندی کے موقف کی تائید کے لئے کافی ہے اور یہ واضح کرتا ہے کہ اسلام میں امن وامان، انسانیت کے احترام اور اس کے حقوق کی حفاظت کو بنیادی حیثیت حاصل ہے ۔دوسروں کو نفع پہنچانا انسانیت کا تقاضا ہے ۔ترجمہ حدیث ﷺہے’ ’لوگوں میں سب سے اچھا وہ ہے جو لوگوں کو نفع اور فائدہ پہنچائے “ قرآن حکیم، آنحضرت ﷺکے ارشادات اور آپ ﷺ کی سیرت کا بغور مطالعہ کیا جائے تو یہ حقیقت واضح ہو جاتی ہے کہ اسلام کی تعلیمات ساری انسانیت کے لئے خیر اور بھلائی کا پیغام رکھتی ہیں۔ قرآن مجید نے آنحضرت ﷺ کو رحمت اللعالمین قرار دیا ہے۔صرف مسلمانوں کے لیے رحمت نہیں کہا ۔آپ ہر انسان کے لیے رحمت ہیں چاہے وہ کسی بھی مذہب کا ماننے والا ہو۔آپ ﷺ نے فرمایا ”خبردار جو کوئی معاہد (دوسرے مذہب کا پیرو کار ) پر ظلم کرے گا یا اس کا حق چھینے گا ، اسے کوئی اذیت دے گا یا جبراً اس سے کوئی چیز ہتھیائے گا تو قیامت کے روز میں اس ( معاہد ) کی جانب سے ایسے مسلمان کے خلاف لڑوں گا “۔ ہم ایک مثال لیتے ہیں اپنی اس بات کو سمجھانے کے لیے کہ اللہ نے جتنے مذاہب بنائے سب انسانیت کو فروغ دینے کے لیے بنائے ہیں۔بے شک ان میں سے اکثر اپنی اصل صورت میں باقی نہیں ہیں، سوائے دین اسلام کے ۔ ہر شخص خواہ اس کا مذہب اور عقیدہ کوئی بھی ہو اپنی جان و مال کی عزت و حفاظت کو مقدم سمجھتا ہے ۔اس بارے میں اللہ نے قرآن پاک میں فرمایا ہے کہ ”ایک بے گناہ انسان کا قتل پوری انسانیت کا قتل ہے ۔ “انجیل مقدس میں ہے ” کسی بشر کی حیات کی ڈوری کاٹ دینا ، یہ تو بہت بھیانک گناہ ہے ۔“ مقدس متی میں ” تم سن چکے ہو کہ اگلوں سے کہا گیا تھا۔ کہ تو خون مت کر۔ اور جو کوئی خون کرے گا عدالت میں سزا کے لائق ہو گا۔“شریعتِ موسوی کا پانچواں حکم ہے کہ ” کسی کی زندگی مقدس اور اللہ کا عزیز ترین تحفہ ہے ۔ زندگی ایک بار ملتی ہے ، سب کی زندگی سے پیار کرو۔“ ایسے ہی دیگر مذہب میں احکام الہی ہیں ۔آج ہم اپنی من مرضی کے مطابق مذہب کو کچھ اور ہی شکل دے رہے ہیں۔انسان، انسانیت کو بھول گیا ہے ہمیں ضرورت ہے کہ ہم انسانیت کے علم بردار بنیں۔اللہ تعالی مسلمان کو دیگر مذاہب سے مشترک نکات پراتحاد کا حکم قرآن پاک میں کچھ یوں دیتے ہیں ۔ ”کہہ دو کہ اے اہل کتاب جو بات ہمارے اور تمہارے دونوں کے درمیان یکساں (تسلیم کی گئی) ہے اس کی طرف آوٴ، وہ یہ کہ خدا کے سوا ہم کسی کی عبادت نہ کریں اور اس کے ساتھ کسی چیز کو شریک نہ بنائیں اور ہم میں سے کوئی کسی کو خدا کے سوا اپنا کار ساز نہ سمجھے اگر یہ لوگ (اس بات کو) نہ مانیں تو (ان سے ) کہہ دو کہ تم گواہ رہو کہ ہم (خدا کے ) فرماں بردار ہیں“آیئے اللہ اور آخری رسول رحمت اللعالمین حضرت محمد ﷺ کو اپنا حقیقی رہنما بنا لیں اور آپس میں اتحاد وبھائی چارہ قائم کر کے انسانیت کی فلاح امن وسلامتی کے دین کوسب انسانوں تک پہنچانے اور مظلوم انسانیت کی نجات کے لئے ایک ہو جائیں،متحد ہو جائیں۔Browse More Islamic Articles In Urdu
رمضان کا عشرہ مغفرت !
Ramzan Ka Ashra Maghfirat
سردی سے متعلق بعض فقہی احکام
Sardi Se Mutaliq Baaz Faqhi Ehkaam
رسول اللہ ﷺ کے سردی سے متعلق عظیم معجزات
Rasool Ullah SAW K Sardi Se Mutaliq Azeem mojzaat
لواطت ۔ ایک کبیرہ گناہ
Lawatat - Aik Kabeera Gunah
زنا کی تہمت لگانا
Zina Ki Tohmat Lagana
پیکر تسلیم و رضا سیّدنا ابراہیم علیہ السلام
Pekar Tasleem o Raza Syedna Ibrahim AS
اسلام،عورت اور پردہ
Islam Aurat or Parda
اسلام میں نماز کی مختلف حالتوں میں ادائیگی
islam mein namaz ki mukhtalif halat mein adaigi
بد نظری ایک مہلک مرض
bad nazri aik mohlik marz
ہم، ہماری روٹین اور نماز
hum, hamari routine aur namaz
توبہ کیا ہے اور کس طرح کی جائے؟
tauba kya hai aur kis tarah ki jaye?
حضور صلی اللہ علیہ وعلیہ وسلم کا اخلاق اور اج کل کا معاشرہ
huzoor sallallahu alaihi wasallam ka akhlaq aur aaj ka muashra