فٹ وئیر پراڈکٹ ڈویلپمنٹ مرکز کا قیام شعبہ کی پیداوار، خدمات اور انسانی وسائل کی ترقی میں معاون ثابت ہو گا، سی ای او ٹسڈیک

اسلام آباد ۔ (اُردو پوائنٹ اخبارتازہ ترین۔ 22 اپریل2017ء) ٹیکنالوجی اپ گریڈیشن اینڈ سکلز ڈویلپمنٹ کمپنی (ٹسڈیک) کے چیف ایگزیکٹو آفیسر محمد عالمگیر چوہدری نے کہا ہے کہ فٹ وئیر پراڈکٹ ڈویلپمنٹ مرکزکے قیام کا منصوبہ مرتب کیا جا رہا ہے تاکہ منصوبہ کی فزیبیلٹی رپورٹ مرتب کر کے شعبہ کی پیداوار، خدمات اور انسانی وسائل کو ترقی دی جا سکے۔

(جاری ہے)

اپنے ایک بیان میں انہوں نے کہا ہے کہ منصوبہ کی تکمیل سے 3 سال کے دوران 1600 سے زائد افراد کو مختلف شعبوں میں تربیت فراہم کی جائے گی جبکہ اس دوران ایک ہزار کے قریب پرڈاکٹ ڈویلپمنٹ کے شعبہ میں روزگار کے نئے مواقع بھی پیدا کئے جائیں گے۔

انہوں نے کہا کہ منصوبہ کا بنیادی مقصد فٹ وئیرز کی صنعت کی پیداواری استعداد کا فروغ ہے جس سے مقامی صنعت ملکی اور غیر ملکی مارکیٹ میں بہتر مقام حاصل کرنے کے ساتھ ساتھ نئی ایجادات بھی متعارف کروا سکے گی جس سے جوتا سازی کی ملکی صنعت کی ترقی اور برآمدات کے فروغ میں مدد ملے گی۔

Your Thoughts and Comments