پاکستان اسٹاک ایکسچینج میں زبردست تیزی کا تسلسل برقرار

کراچی (اُردو پوائنٹ اخبارتازہ ترین - این این آئی۔ 24 مئی2017ء) پاکستان اسٹاک ایکسچینج (پی ایس ایکس) میں زبردست تیزی کا تسلسل برقرار رہا، کے ایس ای 100 انڈیکس مزید 729.49 پوائنٹس کے اضافے سے تاریخ کی نئی بلند ترین سطح 52876.46 پوائنٹس پر بند ہوا، مارکیٹ سرمایہ میں 1 کھرب 26 ارب 6 کروڑ 75 لاکھ 11 ہزار 761 روپے کا اضافہ ہوگیا جبکہ تجارتی حجم میں بھی 4 ارب 7 کروڑ 81 لاکھ 67 ہزار 88 روپے کی تیزی رہی۔

اسی طرح خرید و فروخت میں 28 کروڑ 27 لاکھ 70 ہزار 150 حصص کا اضافہ دیکھا گیا۔ تفصیلات کے مطابق کاروباری ہفتے کے تیسرے روز بدھ کو بھی پی ایس ایکس میں تیزی کا رجحان برقرار رہا اور 100 انڈیکس 52200، 52300، 52400، 52500، 52600، 52700 اور 52800 پوائنٹس کی سات بالائی نفسیاتی حدیں عبور کرتے ہوئے 729.49 پوائنٹس کے اضافے سے 52876.46 پوائنتس پر بند ہوا جبکہ انڈیکس میں منگل اور بدھ کو بھی بالترتیب 511.35 پوائنٹس 631.48 پوائنٹس کی تیزی رونماء ہوئی تھی۔

(جاری ہے)

مزیدبرآں پیر کو مارکیٹ میں اتار چڑھائو کے بعد کے ایس ای 30 انڈیکس 450.39 پوائنٹس کے اضافے سے 28172.76 پوائنٹس پر بند ہوا، کے ایس سی آل شیئر انڈیکس میں 370.55 پوائنٹس کی تیزی رہی جبکہ کے ایم آئی 30 انڈیکس میں 1561.62 پوائنٹس کا اضافہ رونماء ہوا۔ اسی طرح بینکس ٹریڈ ایبل (بی اے ٹی آئی) انڈیکس 398.83 پوائنٹس کی تیزی سے 22274.62 پوائنٹس پر بند ہوا جبکہ حصص کی خرید و فروخت میں تیزی کی وجہ سے آئل اینڈ گیس ٹریڈ ایبل (او جی ٹی آئی) انڈیکس 663.03 پوائنٹس کے اضافے سے 19878.19 پوائنٹس پر بند ہوا۔

پی ایس ایکس - کے ایم آئی انڈیکس 295.93 پوائنٹس کی تیزی سے 25445.31 پوائنٹس پر بند ہوا۔ مارکیٹ میں مجموعی طور پر 420 کمپنیوں کے حصص کا لین دین ہوا جن میں سے 188 کمپنیوں کے حصص کی قیمتوں میں تیزی، 215 کمپنیوں کے حصص کے بھائو میں مندی اور 17 کمپنیوں کے حصص کی قیمتوں میں استحکام رہا۔ سب سے زیادہ تیزی ویتھ پاک لمیٹڈ ایکس ڈی کے حصص کی قیمتوں میں ہوئی جس کے حصص کی قیمت 126.95 روپے کے اضافے سے 2666 روپے پر بند ہوئی۔

اسی طرح ایکسائیڈ (پاک) کے حصص کی سودے بھی 46.51 روپے کی تیزی سے 1096.46 روپے پر بند ہوئے۔ سب سے زیادہ مندی شپہائر فائیبر ایکس ڈی اور پاکستان انٹرنیشنل کنٹینرز ٹرمینل کے حصص کی قیمتوں میں ہوئی۔ شپہائر فائیبر ایکس ڈی کے حصص کی قیمت 37.50 روپے کی مندی سے 1150 روپے اور پاکستان انٹرنیشنل کنٹینرز ٹرمینل کے حصص کی قیمت بھی 20.34 روپے کی کمی سے 386.65 روپے رہ گئی۔

سب سے زیادہ کاروبار پاور سیمنٹ (ر) کے حصص میں ہوا جو 12 کروڑ 47 لاکھ 69 ہزار 500 شیئرز رہا جس کی قیمت 1.70 روپے سے شروع ہو کر 2.30 روپے پر بند ہوئی جبکہ بینک آف پنجاب (ر) کے 9 کروڑ 9 لاکھ 42 ہزار 500حصص کے سودے 1.35 روپے سے شروع ہو کر 1.87 روپے بند ہوئے۔ مجموعی طور پر 60 کروڑ 66 لاکھ 93 ہزار 390 حصص کا کاروبار ہوا جس کا تجارتی حجم 23 ارب 69 کروڑ 93 لاکھ 1 ہزار 215 روپے رہا۔ مارکیٹ کیپیٹل 103 کھرب 20 ارب 1 کروڑ 70 لاکھ 57 ہزار 544 روپے سے بڑھ کر 104 کھرب 46 ارب 8 کروڑ 45 لاکھ 69 ہزار 305 روپے ہو گیا۔ فیوچر ٹریڈنگ میں 143 کمپنیوں کے حصص کی قیمتوں میں تیزی، 10 کمپنیوں کے حصص کی قیمتوں میں مندی اور 3 کمپنیوں کے حصص کی قیمتوں میں استحکام رہا جبکہ 11 کروڑ 72 لاکھ 65 ہزار حصص کا کاروبار ہوا۔